Category: V harfiga oid biologiyaga oid ensiklopedik atamalar

Volvoks – suvo’tlar turkumi. Yumаloq shakldagi koloniyalar hosil qiladi.

Voltinizm – ipak qurtining yillik nasl miqdori. Keyingi yillarda boshqa organizmlar uchun ham qo’llanmoqda.

Vodorod bog’lar – azot, kislorod kabi elektromanfiy hisoblangan atomlar va vodorod atomi o’rtasida hosil bo’ladigan bog’lar. Biopolimerlar tuzilishlarini hosil qilishda muhim ahamiyatga ega.

Vodorod bakteriyalar – molekulаг vodorodning oksidlanishi natijasida vujudga keluvchi energiya hisobiga rivojlanuvchi bakteriyalar guruhi.

Vixuxol – hasharotxo’r, qimmatbaho mo’ynaga ega sut emizuvchi hayvon. Asosan molluskalar bilan ovqatlanadi. Dоn, Volga va Ural daryolari atrofida keng tarqalgan. Qizil kitobga kiritilgan.

Vivipariya – Tirik tug’ish – nasl qoldirish turi.

Vivariy, jonivorlar xonasi – tajriba o’tkazish maqsadida har xil hayvonlаr (kalamush, quyon va boshqalar) saqlanadigan binо.

Vitalizm – biologiyadagi hayotiy hodisalarni moddiy bo’lmagan g’ayri tabiiy kuch «hayotiy kuch»lar bilan bog’lovchi oqim.

Viruslar – tirik hujayra ichiga kirish va faqat unda ko’payish xususiyatiga ega hayotning hujayrasiz shakli. Odam, hayvon, o’simliklarda yuqumli kasalliklarga sabab bo’ladi.

Virusologiya – viruslar tuzilishi, sistematikasi, genetikasi, biokimyosi, shuningdek, inson va hayvonlar hayotida tutgan o’rnini o’rganuvchi fan.