Category: V harfiga oid pedagogikaga oid ensiklopedik atamalar

Verifikatsiya qilish-muayyan o’quv fanlari doirasida matn ustida ishlash usullaridan biri bo’lib, uning yordamida nazariy qoidalar haqiqiyligini tekshirish va tasdiqlash amalga oshiriladi.

Verifikatsiya (lotincha verus-haqiqiy va fakio-bajaraman)-mantiqdagi tushuncha. Bunda fanning nazariy qoidalarini kuzatilayotgan ob’yektlari, hissiy ma’lumotlar, eksperimentlarga taqqoslash yo’li bilan ularni tekshirish, tajribaviy tasdiqlash tushuniladi.

Verbal muloqot shakllari-so’z, ma’ruza, suhbat, savol-javob, nasihat, munozara, bahs, xabar, tabrik, tanbeh, salomlashish-hayrlashish kabilardan iborat muloqot turi.

Verbal-insonning tovushli nutqiga aloqador jarayon.

“Ven diagrammasi” strategiyasi (metodi) – ushbu strategiya tehsil oluvchilarda mavzuga nisbatan tahliliy yondashuv, ayrim qismlar negizida mavzuning umumiy mohiyatini o’zlashtirish umumlashtirish ko’nikmalarini hosil qilishga yo’naltiriladi.

Vatanparvarlik-o’quvchi va talabalarning ona-yurtiga, o’z Vataniga muhabbati va sadoqatini ifodalaydigan tushuncha.

Validlik-tadqiq etilayotgan hodisalar sohasiga oid ma’lumotlar va ularga nisbatan tashxisiy muolaja reprezentativligini ifodalovchi metodikaning majmuaviy tavsifnomasi (test).

Valeologiya (loincha Valeo-salomatlik, logos-ta’limot) – inson, shu jumladan o’quvchi salomatligi haqidagi ta’limot.