Category: X harfiga oid iqtisodiy ensiklopedik atamalar

XUSUSIYLASHTIRISH INVESTITSIYA FONDLARI (XIF) – investitsiya fondlarining bir turi hisoblanadi. Ular aholining keng qatlamini xususiylashtirish jarayoniga jalb etish maqsadida tashkil etiladi.

XUSUSIY TADBIRKORLIK – fuqarolar (alohida fuqarolar) tomonidan o’zlarining tavakkalchiliklari va mulkiy javobgarliklari ostida, shaxsiy daromad (foyda) olish maqsadida amaldagi qonunchilik doirasida amalga oshiriladigan tashabbuskor xo’jalik faoliyatidir.

XUSUSIY MEHNAT TAQSIMOTI – umumiy mehnat taqsimotining sohalar va tarmoqlar ichidagi taqsimoti.

XUSUSIY REGRESSIYA KOEFFITSIENTI – muayyan omilning natijaviy belgi variatsiyasiga tasirini omillar o’zaro bog’lanishidan “tozalangan” holda o’lchaydi.

XUSUSIY KAPITAL – tadbirkorning eng muhim va hal etuvchi ahamiyatga ega bo’lgan sarmoyasi.

XUSUSIY JAMG’ARMALARNING IJTIMOIY SUG’URTA NAFAQASI – sug’urta korxonalari yoki boshqa turdagi institutsion birliklar, ijtimoiy sug’urta xususiy dasturi boshqaruvchilari tomonidan uy xo’jaliklariga to’lanadigan nafaqa.

XUSUSIY FIRMA – ayrim shaxs yoki oilaga tegishli bo’lgan yakka xususiy mulkka asoslanib, faoliyat ko’rsatuvchi korxona. Bunday korxonalar asosan qishloq xo’jaligi va kichik biznes doirasida keng ish yuritadilar.

XUNARMANDCHILIK – turli yo’nalishlarda oddiy mehnat qurollari yordamida o’z mehnatlari bilan mahsulot ishlab chiqarish faoliyati.

XUSUSIY – l) biror shaxsning yolg’iz o’ziga qarashli, tegishli bo’lgan mulki, shaxsiy mulk; 2) ayrim shaxslar tomonidan yakka tartibda amalga oshiriladigan harakat; 3) muayyan bir narsa yoki mavzuga bag’ishlangan.

XULA – qandaydir maqsadga erishishga qaratilgan faoliyat.