Category: X harfiga oid pedagogikaga oid ensiklopedik atamalar

Xususiy texnologiya-xususiy texnologiya o’quv fani ko’rinishida pedagogik texnologiyalarni ijtimoiy hodisa, nazariy fan, ta’lim-tarbiya tizimi, jarayoni, pedagogik faoliyat va uning uslublari, aloqador fanlarning ilmiy tadqiqot sohasi sifatida turli ta’lim muassasalarida belgilangan … Batafsil

Xususiy didaktika-muayyan o’quv predmetini o’qitishning nazariy-metodik asoslarini o’rganuvchi pedagogika fanining alohida tarmog’i.

Xulq-xulq-atvor, axloqshunoslik tushunchalaridan biri. Insonning fe’l-atvori bilan bog’liq axloqiy hodisa bo’lib, kishi fe’lining axloqiylik doirasida namoyon bo’lishi tushuniladi. Insonning axloqiy doirasidagi xatti-harakatlari xulqdan tashqari odob va axloqni o’z ichiga oladi. … Batafsil

Xulosa-shaxs tafakkurining asosiy mantiqiy shakllaridan biri.

Xotirlash-o’quvchining avval esda qoldirilgan narsa va hodisalarni takror idrok qilish orqali esga tushirishdan iborat xotira jarayoni.

Xitoy tili o’qitish metodikasi-1) xitoy tili ta’lim nazariyasi hamda metodikasi bo’yicha talablarda muayyan bilim, ko’nikma, malakalar hosil qilishga yo’naltirilgan o’quv fani; 2) xitoy tili o’qitish metodikasi xususiy pedagogikaning alohida tarmog’i.

Xitoy tili xonasi-xitoy tili fanini o’qitishda dars va darsdan tashqari mashg’ulotlarni samarali tashkil etishga qaratib maxsus jihozlangan o’quv xonasi.

Xitoy tili Davlat ta’lim standarti-xitoy tili ta’lim mazmuni va ushbu o’quv predmeti bo’yicha o’quvchilar egallaydigan bilim, ko’nikma, malakalarga qo’yilgan talablarni davlat tomonidan tasdiqlangan etaloni, modeli.

Xislat-shaxs yoki biror narsaning muhim ijobiy belgisi, sifati, xususiyat, fazilat.

Ximiya xonasi-Ximiya fanini o’qitishda dars va darsdan tashqari mashg’ulotlarni samarali tashkil etishga qaratib maxsus jihozlangan o’quv xonasi.