Category: Ya harfiga oid qurilish atamalari

Yassilik qurilmalari – faqat belgilangan bir tekislikda ta’sir etuvchi kuchni o’zlashtirishga qobiliyatli qurilmalar.

Yassi tizim – konstruksiyalar tizimi bo’lib, unda barcha elementlarning simmetriya o’qlari va tashqi kuchlarning ta’sir chiziqlari bitta tekislikda yotadi.

Yassi konstruksiyalar – faqat ma’lum bir tekislikka qo’yilgan va shu tekislikda ta’sir qiladigan yukni qabul qiluvchi konstruksiyalar.

Yassi – tekis, pastqam. Yassi tom, yassi gumbaz.

Yasag’uchi – binokor usta.

Yaroqsizini chegirish – saralash, tanlash, yaroqsizni ajratib saralash.

Yaroqsiz – belgilangan standartlarga javob bermaydigan yoki ishlab chiqarish nuqsonlari bo’lgan mahsulotlar.

Yaroqli (yaroqlilik) – foydalanishga tayyor, biror narsaga mos, qandaydir maqsadga muvofiq. Masalan: yashash uchun yaroqli, gruntning yaroqliligi va hokazolar.

Yarim halqasimon – yarim halqa shaklida bo’lgan narsa, yarim halqaga o’xshash shakl va hokazolar.