Category: О harfiga oid iqtisodiy ensiklopedik atamalar

OLTIN BILAN TA’MINLASH – olingan majburiyatning bajarilishini ta’minlash uchun oltin zaxirasi ko’rinishidagi garov narsalari. Masalan, zayom, kredit, shartnomaning oltin bilan ta’minlanganligi.

OLTIN ANDOZA – oltinning pul tovari sifatida tayyorlanishga asoslangan shakli bo’lib, pul-valyuta munosabatlarini tashkil qilishda ishlatiladi.

OLIY TA’LIMNING DAVLAT TA’LIM STANDARTI – muayyan ta’lim sohasiga (soha tarkibiga) qo‘yiladigan malaka talablari, ta’lim mazmun, bitiruvchilar umumiy tayyorgarligining zaruriy va yetarli darajasi, kadrlar tayyorlash sifatini baholash darajalarini belgilaydigan etalon … Read More

OLIY TA’LIM YO’NALISHLARI VA MUTAXASSISLIKLARI KLASSIFIKATORI – oliy ma’lumotli kadrlar tayyorlash uchun bakalavriat ta’limi yo’nalishlari va magistratura mutaxassisliklarining tizimlashtirilgan ro’yxati.

OLIY MA’LUMOT DARAJASI – shaxs tomonidan oliy ta’limning muayyan o’quv rejalari va fanlar dasturini mazkur ma’lumot haqida tegishli davlat hujjati berilgan holda, o’zlashtirilishi natijasi.

OLIY KATEGORIYALI TOVAR – daromad oshganda talab oshib ketadigan tovarlar.

OLIGARXIYA – bir to’da shaxslarning yoki guruhlarning (boylar, harbiylarning) siyosiy va iqtisodiy xukmronligi bo’lgan tuzum.

OLIY TA’LIM MUASSASASI AKKREDITATSIYASI – oliy ta’lim muassasasi faoliyati darajasining ОТ DTS mezon va talablariga javob berishining davlat tomonidan e’tirof etilishi.

OLIY TA’LIM MUASSASASI ATTESTATSIYASI – oliy ta’lim muassasasida kadrlar tayyorlash mazmuni, darajasi va sifatining ОТ DTS talablariga muvofiqligini aniqlovchi tadbir.

OLIY TA’LIM – uzluksiz ta’limning yuqori malakali mutaxassislar tayyorlovchi mustaqil turi. Oliy ta’lim muassasalarida amalga oshiriladi. Oliy ta’lim ikki bosqichdan iborat: bakalavriat va magistratura.