CHIRCHIQ OLIY TANK KOMANDIR-MUHANDISLIK BILIM YURTI

CHIRCHIQ OLIY TANK KOMANDIR-MUHANDISLIK BILIM YURTI — oliy maxsus harbiy ma’lumotli ofitserlar tayyorlaydigan o’quv yurti. 1941 yilda Ukrainaning Xarkov shahridan Chirchiq shahriga evakuatsiya qilingan. Hozir O’zbekiston Respublikasi Qurolli kuchlari uchun yuqori malakali, oliy maxsus harbiy bilimga ega ofitserlar quyidagi ixtisosliklar bo’yicha tayyorlanadi: tank bo’linmalari, qismlari va qo’shilmalarini jangovar qo’llash; jangovar texnikalarni ekspluatatsiya qilish va ta’mirlash muhandislari; havo desant bo’linmalari, qismlari va qo’shilmalarini jangovar qo’llash; havo hujumidan mudofaa qo’shinlarining bo’linma, qism va qo’shilmalarini jangovar qo’llash. Ularga “leytenant” ofitserlik unvoni va malakasiga muvofiq muhandislik diplomi beriladi.