CHO’GARI

CHO’GARI, Cho’kari, Buxarka 944 — ertapishar mahalliy qovun navi (hozirgi O’zbekiston o’simlikshunoslik institutida K.I.Pangalo, M.K.Goldgauzenlar tomonidan yaxshilangan xiliga Buxarka 944 nomi berilgan). Mevasi yumaloq, ba’zan cho’zinchoqroq, o’rtacha kattalikda, vazni 36 kilogramm, uzunligi 2026 santimetr, tusi och shvi sariq, yuzasi notekis, sal burishgan, to’rsiz. To’ni katta sariq yoki mallarang dog’lar bilan qoplangan. Po’sti yumshoq, eti oq, qalinligi 5-5,5 santimetr, sershira, sersuv, yumshoq, og’izda eriydi. Tarkibida qand miqdori 12,5%. Urug’i yirik tuxumsimon, sariq. Niholi unib chiqqanidan keyin hosili 75-85 kunda pishadi. Hosildorligi 250-300 tsentner/gektar. 1943 yilda davlat reyestriga kiritilgan. Toshkent viloyatida ko’proq ekiladi. Tuproq sho’rligi va oqpalak kasalligiga chidamli.