Dang

Dang (hindcha)-1) og’irlik o’lchovi yoki pul birligi. Ulug’bek akademiyasinign namoyandalaridan G’iyosiddin Jamshid al-Koshiy o’zining “Arifmetika kaliti” asarida o’rta asrlardagi O’rta Osiyo va Eron xalqlarining og’irlik o’lchovi hamda pul birligi bo’lgan. Dang, tassuj va ashoir atamalaridan kasr sonlarni ifodalashda foydalangan. Bunda dinor 1 ga teng deb olinsa, Dang 1/6 ga, tassuj 1/24 ga, ashoir 1/96 ga teng bo’lgan. Chunki bir Dan oltin bilan o’lchansa 1/6 dinorga, kumush bilan o’lchansa 1/6 dirhamga va ixtiyoriy og’irlikdagi 1/6 misqolga teng. Tassuj Dang bilan quyidagicha bog’langan: 1 tassuj ¼ Dang = 1/24 dinor, dirham yoki misqol. 1 ashoir ¼ tassur=1/16 Dang=1/96 dinor, dirham yoki misqol; 2) rus tilidagi “denga” so’zining o’zagi shu Dangdan olingan, dastlab u pul birligi bo’lib, ½ tiyin yoki 1/16 oltinni bildirgan. Dang ko’pgina adabiyotlarda, masalan, Mirzo Ulug’bekning “To’rt ulus tarixi”, B.Ahmedovning “Tarixdan saboqlar”ida dong ko’rinishida ham uchraydi.