EMINOV KOZIM IBROHIMOVICH

EMINOV KOZIM IBROHIMOVICH (1928.24.5, Alushta, Qrim Respublikasi — 1976.1.5, Toshkent) — rang-tasvir ustasi, O’zbekistonda xizmat ko’rsatgan san’at arbobi (1972). Benkov nomidagi Respublika rassomlik bilim yurti (1953) va Toshkent pedagogika instituti (1968) ni tugatgan. 1968 yildan Toshkent pedagogika institutining badiiy grafika fakultetida dars bergan, 1975 yildan dotsent. Eminov tarixiy, maishiy va manzara janrlarida asarlar yaratgan; his-tuyg’ularga boy romantik manzaralari bilan tanilgan: “Bahor suvi”, “yoz”, “Chimyon etaklari”, “Angren”, “Tsementchi ayollar” va boshqalar Asarlari muzeylarda, shaxsiy to’plamlar va galereyalarda saqlanadi.