ESHONQULOV ABDUSATTOR

ESHONQULOV ABDUSATTOR (1916.10.2 — Toshkent -1997.9.12) — 2-jahon urushi qatnashchisi, mayor. Toshkent to’qimachilik kombinatida usta yordamchisi bo’lib ishlagan. 1937 yildan armiyada. Volsk harbiy aviatsiya texnika bilim yurtini (1939), Voronej uchuvchilar harbiy aviatsiya maktabini (1942), Balashov uchuvchilar harbiy aviasiya maktabini tugatgan (1943). 1944 yildan 62-shturmchi aviatsiya polki (2-Belorussiya fronti 4havo armiyasining 233-shturmchi aviasiya diviziyasi) zveno komandiri. Eshonqulov 1945 yil aprelgacha 100 marta jangovar parvoz qilib, dushman qismlariga anchagina talafot keltirgan. Ko’rsatgan jasorati uchun qahramon unvoniga sazovor bo’lgan (1945.18.8). Urushdan keyin harbiy havo kuchlari aviasiya qismlarida xizmat qilgan.