FAETON

FAETON (Phaethon) — kurakoyoqli qushlar turkumi urug’i. 3 turi ma’lum. Tanasi 30-45 santimetr, og’irligi 0,9—1,4 kilogramm. Pati nim pushti, qora xollari bor. Dumi juda uzun. Oyog’i qisqa, nozik bo’lgani uchun quruqlikda qiyinchilik bilan yuradi. Yomon suzadi, biroq yaxshi uchadi. Faeton monogam. 6-12 tadan guruh bo’lib yashaydi. Suv havzalarining xilvat orollaridagi tik qoyalarga uya yasaydi. Bitta tuxum qo’yadi; nari hamda modasi 41-45 kun navbat b-n bosadi. Faeton Hind, Atlantika va tinch okeanlarning tropik qismida tarqalgan. Baliqlar, kalmarlar, qisqichbaqasimonlar bilan oziqlanadi.