FARMER (FARMER) GENRI JORJ

FARMER (FARMER) GENRI JORJ (1882. 17.1, Birr, Irlandiya — 1965.30.12, Karluk, Lanark grafligi) — ingliz musiqashunosi, dirijyor, kompozitor. Yevropada musiqiy sharqshunoslik fanining asoschilaridan. Glazgo universitetini tugatgan (1910). Angliyaning turli teatrlarida dirijyor (1910-47), Glazgo universiteti o’qituvchisi va kutubxonaning musiqiy bo’limi mudiri (1934 yildan). 1916 yildan Sharq xalqlari musiqa madaniyati, xususan, Forobiy, Ibn Sino va boshqalarning musika risolalarini o’rganib, Yevropa va Osiyo mamlakatlarida ma’ruzalar o’qigan, o’nlab kitoblar nashr etgan (“Arab musiqasi tarixi 13 asrgacha”, 1929; “Sharq musiqa cholg’ulari”, 1931; “Islom musiqasi”, 1957 va boshqalar).