FIDOIYLAR

FIDOIYLAR (Arabcha — biron maqsad yo’lida o’zini kurbon qilishga tayyor shaxs) — 1) o’rta asrlarda Eron, Suriya, Livandagi hashshoshiylar yashirin mayda tashkilotining a’zolari; 2) Eron inqilobi davri (1907-11)da diniy zodagonlar, dehqonlar, ishchilar va kambag’allardan tuzilgan ko’ngilli qurolli otryad a’zolari; 3) Eron Ozarbayjonida ko’tarilgan milliy demokratik harakat davri (1945-46)da tuzilgan mudofaa otryadlari a’zolari. Keyinchalik ular xalq lashkarlariga aylantirilgan; 4) Jazoirdagi milliy ozodlik urushi (1954-62)da qatnashgan yashirin shaharlik aholi otryadlari; 5) Falastin qarshilik ko’rsatish harakati qurolli partizan otryadlari a’zolari.