Galdan, Galdan-Boshoqtuxon

Galdan, Galdan-Boshoqtuxon (1645-1697) — oyrat xonligi hukmdori (1670 y.dan) Botur Xuntoyjining o’g’li. Markazlashtirilgan oyrat xonligidagi hokimiyatni mustahkamlash siyosatini yurgizgan, 1640 y. dagi Mongol — oyrat qonunlarini to’lg’izgan. 1672 y.dan Rossiya b-n savdo va diplomatik munosabatlar olib borgan. G. 17-a.ning 70-80-y. larida Sharqiy Turkistondagi xonliklarni o’ziga tobe etgan. 1688 y. Xalxa (Shim. Mongoliya) hokimlari b-n bo’lgan urushda g’alaba qozongan. 1690 y.dan oyrat xonligini bosib olmoqchi bo’lgan Manjurlar imperatori Kansiga qarshi urush olib borgan. Kansi qo’shinidan engilgach, zahar ichgan.