Hakimjonov Abdumajid

Hakimjonov Abdumajid (1904-Toshkent — 1990) — grafik rassom, O’zbekiston xalq rassomi (1950). Havaskor bolalar to’garaklarida rasm chizishni o’rganib, Turkiston rassomlik texnikumida o’qigan (1920-23). 1921 yildan “bolalar dunyosi” jurnali sahifalarida rasmlari bosilgan. 1923-26 yillarda Leningradda ko’p rangli matbaa bo’yicha malaka oshirib, Toshkentga qaytgach, 1964 yilgacha rangli matbaa sohasida ishlab, ko’pgina shogirdlar yetishtirgan. Respublika gazeta va jurnallari, ayniqsa “Mushtum” sahifalarida satirik ruhdagi rasmlari, plakatlari bosilgan.