Hazratqul Baxshi

Hazratqul Baxshi (taxallusi; asl ism-sharifi Hazratqul Hudoyberdiyev) (1920, Qamashi tumani Qoraqo’ton qishlog’i) — Qamay dostonchilik maktabining vakili. Dushanba pedagogika instituti tarix-geografik fakultetini tugatgan (1958). Yoshligidan xalq dostonlarini kuylashga qiziqqan. Repertuarida “Go’ro’g’lining tug’ilishi”, “Go’ro’g’li bilan Yunuspari”, “Avazxon”, “Avazning arazi”, “Nurali va Oyxumor”, “Alpomish” kabi dostonlar bor. Undan ayrim sexrli fantastik ertaklar (“Madhiya” nomli), zamonaviy mavzuda doston va termalar ham yozib olingan, gramplastinkaga ko’chirilgan.