IGNA BALIQLAR

IGNA BALIQLAR (Syngnathus) -dengiz kirpilari oilasiga mansub baliqlar urug’i. Tanasi 6 yoki 7 qirrali, ingichka, uzunligi 40 santimetrgacha. Tumshug’i ingichka va cho’ziq, og’zi kichik, tishsiz. Dum suzgichlari kichik, qorin suzgichlari bo’lmaydi. Erkagining qornida yoki dum tomonida uvildiriq saqlaydigan kamerasi bo’ladi. Bu kameraga urg’ochisi uvildiriq tashlaydi. Uvildiriqlarga shilimshiq parda orqali qondan kislorod kelib turadi. 50 tacha turi ma’lum: tropik, subtropik va mo’tadil dengizlarda (jumladan qora va Kaspiy) da tarqalgan. Iqtisodiy ahamiyatga ega emas.