Ixroj

Ixroj (Tithymalus zeravchanicus) — sutlamadoshlar oilasiga mansub ko’p yillik o’t. Bo’yi 40 santimetrcha, serpoya va serbarg. Barglari nashtarsimon, qisqa bandli, ketma-ket joylashgan. Gullari oddiy, to’pguli soyabonsimon. Mevasi ko’sakcha. O’zbekistonning tog’li tumanlarida toshlar orasida o’sadi. Tarkibida smola, kislotalar, oshlovchi va boshqa moddalar bor. Tabobatda surgi, ishtaha ochuvchi dori sifatida hamda yaralarni davolashda ishlatiladi.