Madrid universiteti

Madrid universiteti – Ispaniyadagi yirik oliy o’quv yurti. Alkalade Enares (1508) va Madriddagi Markaziy universitet (1821)larni birlashtirish (1836) natijasida tashkil topgan. 1850 yildan Madrid universiteti deb ataladi. Falsafa, Filologiya, tabiiy fanlar, huquq, tibbiyot, farmasevtika, veterinariya, siyosiy va iqtisodiy fanlar, psixologiya va psixotexnika, statistika, stomatologiya, sud tibbiyoti, amaliy Yurisprudentsiya, qiyosiy huquq, aloqa, dengiz floti, sotsiologiya va boshqa sohalar bo’yicha mutaxassislar tayyorlaydi. 134 mingga yaqin talaba ta’lim oladi. Kutubxonasida 700 mingdan ortiq asar saqlanadi.