Morxo’r

Morxo’r, burama shoxli echki (Capra falconeri) — tog’echkilari urug’iga mansub sut emizuvchilar turi. Gavdasining uz. 170 sm, bo’yi yag’rinidan 90 sm ga, vazni 90 kg ga yaqin. Shoxlari parmaga o’xshash buralgan. Juni jigarrang, ba’zan oqish. Erkaklarining bo’yni va ko’kragida uzun junlari bor. Shim. va shim.-G’arbiy Hindiston, Jan.-Sharqiy Eron va Afg’onistonda tarqalgan. O’zbekistonda Ko’hitang va Bobotog’da uchraydi. Qoya toshli tik tog’yon bag’irlarida yashaydi. Soni juda kamayib ketgan. O’zbekiston va xalqaro qizil kitobga kiritilgan.