Moyqutlar

Moyqutlar (Sylviidae) — chumchuqsimonlar turkumiga mansub sayroqi qushlar oilasi. Uz. 10-25 sm. Pati xira kulrang, qo’ng’ir yoki yashil tus- ga yaqin. 40 tacha urug’ga mansub 240 turi ma’lum. Evrosiyo, Afrika, ayrim turlari Avstraliya va bitta turi shim. Amerika (Alyaska) da tarqalgan. O’rmon, butazor, bog’lar, qamishzor va dashtlarda yashaydi. Hasharotlar, ba’zi turlari mevalar b-n oziqlanadi. Ayrim turlari, mas, krra- bosh M. yaxshi sayraydi. O’zbekistonda M.ning 9 ta urug’i (penochkalar, kurgala- klar, asl moyqutlar, to’qay chumchuqlar, jiqjiklar va b.) va 28 turi uchraydi. Tog’ o’rmonlari va bog’larda kulrang moyqut va zavirushka, qizil-qumda cho’l moyquti uya quradi.