O’RMALOVCHI XALTALILAR

O’RMALOVCHI XALTALILAR, kus kussimonlar, possumalar — xaltali sut emizuvchilar oilasi. Uzunligi 6 santimetrdan 82 santimetrgacha. Dumi ilashuvchi, ba’zan rudimentar. Panjalari tutuvchi, tirnoklari kuchli egilgan. 1 ta, ba’zan 2 ta (1 va 2) barmog’i boshqalari qarshisida joylashgan. Orqa oyoqlarining 2 va 3 barmoqlari o’rtasida pardasi bor. Ayrim turlarining oldingi va keyingi oyoqlari o’rtasida teri parda tortilgan. Teri parda daraxtdan daraxtga sakrab o’tishga yordam beradi. Xaltasining teshigi oldingi tomonga (koalada orqaga) ochiladi. Asosan, o’simlikxo’r, ayrim turlari hasharotxur yoki hamma narsalarni yeyaveradi. Yilda 1-2 marta 1-4 tadan bolalaydi.