O’TA YORUG’LIK TEZLIGI

O’TA YORUG’LIK TEZLIGI — yorug’lik tezligilida katta tezlik. Nisbiylik nazariyasiga ko’ra, har qanday signalning uzatilishi va moddiy jismlarning harakati yorug’likning bo’shliqdagi tezligi s dan katta tezlik bilan yuz berishi mumkin emas. Biroq, har qanday tebranish jarayoni turlicha ikki tarqalish tezligi: guruh tezligi va fazaviy tezlik bilan ifodalanadi. Guruh tezligi — yaqin chastotali to’lqinlar guruhining energiya tashish tezligi. Shuning uchun nisbiylik printsipita muvofiq, har qanday tebranish jarayoni guruh tezligi s dan katta bo’lishi mumkin emas. Aksincha, bu to’lqinlar guruhining har bir monoxromatik tashkil etuvchisi fazasining tarqalish tezligi, ya’ni fazaviy tezlik to’lqinning energiya tashishi bilan bog’liq emas. Shuning uchun bu tezlik har qanday qiymatni, shu jumladan, s dan katta qiymatlarni ham qabul qilishi mumkin. Ana shu holda tezlik O’ta yorug’lik tezligi bo’ladi. Moddiy zarralarning biror muhitdagi (bo’shliqdan tashqari) tezligi yorug’likning shu muhitdagi tezligidan katta bo’lishi mumkin. Zaryadli zarralar- ning bunday harakati Cherenkov nurlanishiga olib keladi.