PAMFLET

PAMFLET (ing. pamphlet – qo’ldagi bir varaq) — biror siyosiy tuzum, ijtimoiy voqelik, u yoki bu to’da hamda guruhlar faoliyatini, xatti-harakatlarini fosh qiluvchi hajviy-tanqidiy publitsistik asar. Pamflet boshqa hajviy janrlardan badiiy to’qimaning ozligi, aniq hujjatlarga, tarixiy hujjatlarga asoslanishi bilan farq qiladi. Pamfletda jamiyatdagi, turli shaxslar xarakteridagi nuqsonlar achchiq kinoya, o’tkir sarkazm vositalari bilan fosh etiladi. Pamfletning ilk namunalari antik davrda yaratilgan. Pamfletlar ko’pincha kichik hajmdagi asarlar (maqola, ocherk va boshqa tarzda) bo’lgan. Keyinchalik katta hajmdagi badiiy asarlar ham Pamflet usulida yaratildi.