ULOQ

ULOQ — 6 oylikkacha bo’lgan echki bolasi. Echkichilikda uloq jun va tivit yo’nalishida yaylovda onasidan Ajratilmay, sut yo’nalishida bo’lsa ajratib parvarish qilinadi (4 oylik bo’lgach, onalaridan, erkaklari urg’ochilaridan ajratiladi). Onasidan ajratib boqilanda 1 oylik Uloqlarga bir kunda 4-5 soat oraliq bilan 4 marta (200-250 grammdan), 3 oylik Uloqlarga 3 marta (150 grammdan) sut ichiriladi. Shuningdek, Uloq 10 kunlik bo’lgach sutga qo’shib 200 gramm, 2-3 oylik davrda 800 gramm pishirilgan suyuq suli atalasi beriladi. 3-4 haftalik Uloqlar o’tlashga qo’yiladi.