Vilnyus universiteti

Vilnyus universiteti – Litvadagi eng yirik va ko’hna universitet. 1579 yil Vilnyus akademiyasi sifatida tashkil etilgan. 1832 yilda yopilgan. 1919 yilda qayta tuzilgan. Matematika, fizika, biologiya, kimyo, iqtisod va boshqa sohalar bo’yicha mutaxassislar tayyorlaydi. Tibbiyot xodimlari va o’qituvchilarni tayyorlash hamda qayta tayyorlash bo’limi mavjud. 17 mingga yaqin talaba ta’lim oladi. Ilmiy kutubxonasi (1570 yilda tashkil etilgan)da 2,5 milliondan ortiq asar saqlanadi.