Xoanalar

Xoanalar (Yunoncha choane — voronka, voronkasimon teshik) — ichki burun teshigi. Xoanalar ayrim baliklar va quruqlikda yashovchi hayvonlar uchun xos. Panja qanotli va ikki xil nafas oluvchi baliqlar, suvda va quruqlikda yashovchilar hamda ko’pchilik sudralib yuruvchilarning burun bo’shlig’i birlamchi Xoanalar orqali og’iz bo’shlig’iga ochiladi. Toshbaqalar, ayrim qushlar, ayniqsa, timsohlar va sut emizuvchilarda qattiq tanglay paydo bo’lishi tufayli burun bo’shlig’ining keyingi qismi cho’zilib, halqumning yuqori qismiga ochiladigan ikkilamchi Xoanalar (bo’g’iz)ni hosil qiladi. Hosil bo’lgan nafas nayi ogiz bo’shlig’ida ovqat bo’lganida ham nafas olishga imkon beradi.