“Xorazm haqiqati”

“Xorazm haqiqati” – ijtimoiy-siyosiy gazeta. Urganch shahrida haftada 2 marta chop etiladi. Muassisi: Xorazm viloyati hokimligi. Dastlab, 1920 yil 8 martdan “inqilob quyoshi” nomi bilan nashr qilingan. 1939 yil 1 yanvardan hozirgi nomda. 1921 yil Xorazmga kelgan H.H. Niyoziy gazeta faoliyatini mustahkamlashga yordam bergan. Davlat va jamoat arboblari Karim Boltayev, Qurbon Beregin, Xudoybergan Devonov; yozuvchi va shoirlar Faqiriy, Mutrib, Partav, Chokar, Mug’anniy, Sayd Nazariy, Umar Qurboniy, Mahmud Is- moilov, Eshmurod Devonov, Xayit Eshmurodov va boshqalar gazetaning ilk muxbirlari bo’lgan. Sahifalarida viloyat hayotiga doir iqtisodiyijtimoiy, ma’naviy masalalar yoritib boriladi. 1996 yil 3 apreldan “Xorazm haqiqati” va “Xorezmskaya Pravda” gazetalari Birlashgan tahririyati tashkil etildi. Gazetaga turli davrlarda Bekjon Rahmonov, Afzal Tagirov, Sharif Bulatov, Rahmat Majidiy, Qurbon Beregin, otaxon Toshxo’jaev, Egam Rahimov, Erkin Samandarov, Karim Qurbonov muharrirlik qilganlar. Hozirgi muharriri Rustam Iskandarov (1996 yildan). Adadi 3443 (2005).