Xudoyberdiyev Asliddin Haqberdiyevich

Xudoyberdiyev Asliddin Haqberdiyevich (1972.5.10, Urgut tumani) — yunonrum kurashchisi, xalqaro toifadagi sport ustasi (1999). “O’zbekiston iftixori” (2002). 60 kilogramm vazn toifasida O’zbekiston chempioni (1992, 1994, 1995, 1997, 1998, 1999, 2003). Markaziy Osiyo o’yinlari g’olibi (1995, Toshkent; 1999, Bishkek), Osiyo chempioni (2003, Dehli), Osiyo o’yinlarining kumush medali sohibi (1998, Bangkok), harbiylar o’rtasida jahon chempionata va xalqaro musobaqalarda sovrindor bo’lgan. Xudoyberdiyev O’zbekiston jismoniy tarbiya intini tugatgan (1994). 1995 yildan Markaziy harbiy sport klubida sport yo’riqchisi.