Savol javoblar t.me/Eski_Savollar_Bazasi telegram kanalidan olingan.
6101. Xalqimizda “Oyga qarab adashsang otingni oltin qoziqqa bog‘la” degan ibora bor. Xo‘sh o‘sha “ot bog‘lanadigan” “oltin qoziq” nima?
Javob: Qutb yulduzi
6102. Bu ikkala narsa ham sarflanadigan narsa. Birinchisi bizning xohishimizga qaramay sarflanadi, ikkinchisinig sarflanishi esa, bizga bog‘liq. Ikkovini ham foydali yoki zararli tomonga sarflash insonning o‘zining ishi. Endi siz menga o‘zbeklar iborasiga ko‘ra birinchi va ikkinchining oxirgisini nimaga sarflashni tavsiya qilinishini ayting?
Javob: Palov yeyishga
Izoh: Gap kun va pul haqida ketmoqda: “Kuningdan bir kuning qolsa ham osh ye, pulingdan bir so‘ming qolgan bo‘lsa ham osh ye»
6103. Bu so‘z arab tilidan olingan bo‘lib «tirikchilik, umr kechirish, yashash» degan ma’nolarni bildiradi. Lekin hozirgi kunda bu narsa yashash va umr kechirish uchun unchalik ham yetmasligi mumkinligini ko‘rish mumkin. Bu qanday so‘z?
Javob: Maosh
6104. Yunonchada bu sohaning nomi «kema haydash mahorati» degan ma’noni bildiradi. Hozirda bu soha bilan bog‘liq kishilar ham kema haydashadi, ammo ularning kemalarining na yelkani bor, na bug‘li dvigateli. Bu qaysi soha?
Javob: Kosmonavtika
6105. «Quyosh oydan ustun, oy quyoshdan nur oladi». Bu gap qozoqlarning to’y marosimlaridan birida o’z aksini topgan.
Savol: Qanday marosimda o’z aksini topgan?
Javob: Uzuk taqish
Izoh: Erkak tilla uzuk ( ramzi quyosh), ayol kumush ( ramzi oy) taqgan. Bizda aksi.
6106. Dunyo bo’ylab jurnalining 1966-yil dekabr sonida Londonlik bosqinchi haqida maqola U kirgan uyda esa ochilmagan seyf bor edi. Politsiyaning nega seyfni shu paytgacha ochmading degan savoliga u ,, Men o’zimga. . . » qilishni xohladim deb javob bergan edi.
Diqqat savol: nuqtalar o’rnini 3 ta so’z bilan to’ldiring?
Javob: Yangi yil sovg’asi
6107. 1781-yilda «Zong» kemasi ekipaji chuchuk suv tanqisligiga uchraydi. Muammoni hal qilish uchun ular alfa larni kemadan tashlab yuborishga qaror qilishadi.
SAVOL: alfa larni toping?
Javob: Alfa — Qullar
6108. O’tkir Hoshimovning «Daftar hoshiyasidagi bitiklar» asaridan.
Ish ko’pligiyu, vaqt yo’qligidan nolimang. Vaqt ko’pligiyu, ish yo’qligidan qo’rqmang. Odamni abgor qiladigan narsa-…… ?
Nuqtalar o’rnidagi so’zni ayting?
Javob: Bekorchilik
6109. Bu ixtironi 1903-yilda Germaniyalik olim Shvartskof tomonidan o’ylab topilgan bo’lib undan faqatgina 2 haftada 1 marta foydalanish kerak ekanligini aytadi. Savol u nima
Javob: Shampun.
Izoh: Ixtiroga qadar odamlar faqatgina ishqorli suyuq sovundan foydalinishgan.
6110. Savol: U bor, lekin hech qachon ko’rinmaydi. Hech qachon eshitilmaydi, lekin har doim eshitiladi. Bu nima?
Javob: Havas.
6111. Savol: Odamlar uni ko’pincha kutishadi, lekin kelganda uni qabul qilishni xohlamaydilar. Bu nima?
Javob: O’lim
6112. Savol: Uni siz iste’mol qilolmaysiz, lekin siz uni sotib olishingiz yoki sotishingiz mumkin. Bu nima?
Javob: Obyektni ijaraga berish huquqi.
6113. Savol: Meni olasiz, meni bo’lasiz, meni tashlaysiz, ammo men hali ham siz bilan qolaman. Men nima?
Javob: Fotografiya.
6114. U narsa butunlayiga sizga tegishli. Bu qonun doirasida ham belgilanib tasdiqlangan. Lekin hamma qonunni buzib sizdan beso‘roq u narsangizdan foydalanadi.
Savol butunlay sizniki bo‘lgan u narsa nima ekan?
Javob: Ismingiz
6115. Paulo Koeloning Alkimyogar asarida Santyago ismli qahramon Unga mansub edi. Yurtimizda U nomli goʻsht mahsulotlari ishlab chiqarilishi keng yoʻlga qoʻyilgan.
Savol: Agar siz U ni topgan boʻlsangiz, boʻzbola qaysi mamlakatdan boʻlganligini toping?
Javob: Andalusiya
6116. Oyog’i dalada, o’rtasi molxonada, boshi esa dasturxon ustida. Savol bu nima?
Javob: Bug’doy
6117. Afsonalarga ko’ra afsonaviy Qaqnus qushi umr bo’yi o’tin-xashak yig’ar ekan. Uni o’tin yig’ishini birinchi sababi in qurish bo’lsa, ikkinchisi sababi nima?
Javob: tuxumidan polapon chiqarish bo’lgan.
Izoh: uyaga tashilgan o’tin-xashaklar atrof-muhit ta’sirida yonib, olovninig issig’iga tuxumidan polaponlar chiqqan ekan (afsonalarga ko’ra)
6118. Hech qiziqib ko’rganmisiz insonning ba’zi bir a’zolari ma’lum muddat o’tgach yangilanib turadi. Savol shundan iboratki, har yuz kunda insonning qaysi a’zosi yangilanib turadi?
Javob: Kipriklar
6119. O’tkir Hoshimov «Daftar hoshiyasidagi bitiklar» asaridan.
Ezgulikni ko’rsa, o’zini anvoyi chechaklar ochilgan gulzorda yurgandek sezadigan…
Razillikni ko’rsa, yovvoyi hayvonlar o’kirgan o’rmonga kirib qolgandek bezovta kezadigan
Ruh bor. Ruhning ismi-…
Nuqtalar o’rnini to’ldiring?
Javob: Vijdon
6120. Bundan 75-80 yillar oldin bobolarimiz undan foydalanishgan. Hozirga kelib esa undan ko’pincha ayrim harbiy oliy o’quv yurti talabalari foydalanishmoqda. U nima ?
Javob: Tank
6121. Pablo Pikasso hayoti davomida 1885 ta kartina, 7089 ta rasm, 1228 ta … muallifi bo’lgan. DIQQAT SAVOL 1228 ta nimaning muallifi?
Javob: Haykallar
6122. Qadimgi qirg’iz xonlarining va qabilalarining o’z tug’lari bo’lgan. O’sha avlodni, qabilani ifodalovchi belgi va rasmlar bilan tasvirlangan. Aytingchi Manas bahodir avlodining tug’i qaysi rangda bo’lgan?
Javob: qizil
Izoh: hozirgi qirg’iz bayrog’ining rangi o’sha bayroqdan olingan.
6123. Shenborn qasrida (zakarpatiya) 12 ta darvoza, 52 ta xona va 4 ta ajoyib minora bor ekan. Aytingchi, sizningcha qasrning nechta derazasi bor?
Javob: 365 deraza!
IZOH: Savoldagi sonlarga e’tibor bering: 12 darvoza, 52 xona, 4 minora. Bu sonlarni yana qayerda uchratish mumkin? Albatta yil hisobida: Bir yilda 12 oy, 52 hafta va 4 fasl bor. Yana nima qoldi? Ey ha — yildagi kunlar soni — 365 kun.
6124. Qo’shinda tashkil qilingan 5 kishilik guruhning tarkibi quyidagicha:
1) Kapitan.
2) Yo’l ko’rsatuvchi.
3) Hamma vaqt oxrtadayurishni yoqtirgani uchun «o’rtacha» laqabini olgan askar.
4) Nomsiz mahfiy agent.
5) Yosh askar. Bu guruh askarlari yakka holda deyarli hech qanday kuchga ega bo’lmasada, ular birgalikda bajara olmaydigan vazifa yo’q. Xo’sh, bu guruh qanday nomlanadi?
Javob: Musht (qo’l, barmoqlar, panja, kaftimiz javoblari ham qabul qilinadi).
Izoh: Barmoqlarimizga e’tibor bering: bosh barmoq (kapitan), ko’rsatkich barmoq (yo’l ko’rsatuvchi), o’rta barmoq (o’rtacha), nomsiz barmoq (mahfiy agent), jimiloq (yosh askar). Barmoqlarimiz yakka holda unchalik ishimizga yaramasa ham, lekin ular birlashganda bajara olmaydigan ishlari yo`q
6125. Yaponiya dunyoning eng taraqqiy etgan davlatlaridan biri. Ular hamma narsada birinchilikni da’vo qilib o’rganishgan. Lekin ularning bir da’volariga aynan Rossiyaning Chukotka yarimorolining jiddiy e’tirozlari bor, bu sohada ular aniq Yaponiyadan oldinda! Aytingchi, gap qaysi da’vo haqida ketayapti?
Javob: Kunchiqar o’lka unvoni
IZOH: Gap shundaki, geografik joylashishiga ko’ra Chukotka yarimorolida kun Yaponiyaga qaraganda ancha oldin chiqadi.
6126. Qadimgi Rim Respublikasi vaqtida xalqni amaldorlar o’zboshimchaligidan himoya qilish uchun xalq tribunlari saylangan. Bu lavozimga saylangan odam Rimdan bir sutkadan ko’p vaqtga chiqib ketishi mumkin bo’lmagan. SAVOL: Tribun uyida bo’lganida qanday qoidaga amal qilishi kerak edi?
Javob: Uyining eshigini qulflamaslik.
Izoh: Xalq istalgan vaqtda kira olishi uchun.
6127.Alfa uchun rus xonadonlarining kiraverishida eni 25 sm kam bo’lgan supacha mo’ljallangan edi.
SAVOL: alfa ni ikkita so’z bilan ayting?
Javob: Chaqirilmagan mehmon.
Izoh: Yangi yilda har biringizning uyingizga faqat chaqirilgan mehmonlar kelishsin!
6128. Buni qarangki sizni chalmoqchi bo’lgan shaxs sizga qurbonlik ham bermoqchi. Lekin siz uni qabul qilmasligingiz ham mumkin. Aytingchi sizni chalmoqchi bo’lgan shaxs kim?
Javob: Shaxmatchi («Gambit» — bu chalmoq degani. Bunda bir sipoh qurbon qilib yakunda g’alabaga erishiladi)
6129. O’tkan asrning 20-yillarida bir yozuvchi alfani quyosh nuri kirmaydigan, ichi esa qizil chiroqlar bilan yoritilgan, suratkashning qora xonasiga o’xshatgan.
Alfa ni menga qisqa so’z bilan ayting?
Javob: SSSR
Izoh: Prishvin o’zining kundaligida bu o’xshatish bilan yopiq sovet davlatini ifodalagan.
6130. Gel tilidagi «slainte» so’zi «yaxshi boshlanish» ma’nosini anglatadi. Bu so’z Irlandiyada juda mashhur. Odamlar odatda bir tovushni eshitishganda bu so’zni aytishadi. SAVOL: O’sha tovushni toping?
Javob: QADAHLAR JARANGI?
Izoh: Yangi yil barchamizga faqat yaxshi kunlarni olib kelsin!
6131. Polshadagi Torun markaziy maydonida bu odamga qo’yilgan yodgorlik ustida «Bu odam quyoshni joyida to’xtatdi, yerni o’rnidan qo’zg’atdi» degan yozuv bor. Siz menga bu odamning ismini ayta olmasangiz ham, unga qaysi xizmatlari uchun bu ta’rif berilganini ayta olasizmi?
Javob: Quyosh yer atrofida emas, yer quyosh atrofida aylanishini isbotlab bergani uchun!
IZOH: Bu yozuv Nikolay Kopernik yodgorlikda yozilgan. Nikolay Kopernik Quyosh yer atrofida emas, Yer quyosh atrofida aylanishini isbotlab bergan olim.
6132. Xuddi suzib ketyotkan o’rdakka o’xshaydigan mamlakat?
Javob: Islandiya
6133. Robert Kaplan yozishicha dengizdagi U Yaponiyadan boshlanib Venetsiyada tugagan ekan. SAVOL: UNI toping?
Javob: Buyuk ipak yo’li
6134. Radbod — bu VII-VIII asrlarda franklarga qarshi kurashgan friz qabilasining qiroli. Kunlardan bir kuni Radbod unga qilingan bir taklifni inkor qilar ekan, Y ga qaraganda X ni xush ko’rishini, chunki franklarning basharalarini ko’rishga toqat qila olmasligini aytadi. SAVOL: X va Y ni toping?
Javob: Y — jannat, X — do’zax
Izoh: qirolga xristianlikni qabul qilishni taklif qilishadi. Xristianlik kanonlariga ko’ra faqat xristianlar jannatga tushishadi, qolganlar esa do’zaxga. Franklar xristian edi. Qirol jannatda franklar bilan bo’lgandan ko’ra, do’zaxga tushganim yaxshi degan ekan
6135. Fransiya va Italiya o’rtasida bo’lib o’tgan 2006-yildagi regbi bahsida ishtirokchilardan biri jamoa ramzi bilan doimiy ravishda bajariladigan o’yin oldi harakatini bajara olmadi. Buning asosiy sababini ayting?
Javob: Parranda grippi
Izoh: Fransiya termasining ramzi Xo’roz hisoblanadi.
6136. Savolda alfa bir nechta soʻz bilan almashtirilgan. «Alfa 2021-yilda davlat va aholi oʻrtasida turli xil dasturlar va loyihalar haqida toʻgʻridan-toʻgʻri muloqot qilish maqsadida yaratilgan. Alfa yilda ikki marta «meva beradi».
Yaqinda koʻpchilik insonlar alfa tufayli qaysidir maʼnoda savobga ega boʻlishadi.
Diqqat savol: alfa bilan almashtirilgan soʻzlarni xohlang ingliz tilida, xohlang oʻzbek tilida yozib bering?
Javob: «Open budget»
Qabul: «Ochiq byudjet», «Tashabbusli budjet» (https://t.me/Eski_Savollar_Bazasi/7574?comment=52375)
Qabul emas. «Mening yoʻlim» loyihasi
Izoh: «Open budget» dasturi 2021-yil yozida ishga tushirilgan dastur boʻlib
U bir yilda ikki marta oʻtkaziladi
6137. 1997 — yilning yozida, Gollivuddagi mumdan ishlangan haykallar muzeyida, bir eksponat qotillar va odamxo’rlar turadigan xonaga ko’chirib o’tkazildi.
Savol: Avval u qaysi xonada turar edi?
Javob: Mashhur sportchilar xonasida. Bu Mayk Taysonning haykali edi. Raqibining qulog’ini tishlab olgandan so’ng uning haykalini yuqorida aytilgan xonaga ko’chirib
o’tkazishgan.
6138. Bu tunneli Yaponiyaning Xonsyu va Xokkaydo orollarini Sangar bo‘g‘ozi ostidan bog‘laydi.
Uning umumiy uzunligi 53,85 km ni, suv osti qismi esa 23,3 km ni tashkil qiladi.
Yo‘llar suv tubidan 100 metr va dengiz sathidan 240 metr chuqurlikdan o‘tadi.
Tunnel qurilishi 1964-yildan 1988-yilgacha davom etgan va 1988-yil ochilgan.
Tunnel qurilishi 5,4 mlrd dollarni tashkil qilgan.
Diqqat savol bu qaysi tunel?
Javob: Seykan tunneli.
Bugun u ochilgan kun ekan yani ishga tushgan 13-mart
6139. 1966 yili Angliyada Vestministerga barcha uchun tomoshaga bir buyum qo’yildi va natijada….u o’g’irlandi. Butun dunyoga ovoza bo’lgan bu o’g’rilik bir necha kundan keyin ochildi- bu narsa axlatxonadan topildi.
Diqqat savol: Bu narsa nima va hozir qaysi mamlakatda saqlanmoqda?
Javob: Braziliyada-futbol bo’yicha jahon kubogi.
6140. 1969 yil insoniyat tarixidagi eng qimmat telefon so’zlashuvi bo’lib o’tdi. Bir tomondan AQSH prezidenti Nikson bo’lgan bo’lsa, ikkinchi tomonda kim va qayerda bo’lishgan?
Javob: Armstrong va Oldrin, oyda
6141. Avstraliya davlati golf klubi nizomida shunday jumlalarni uchratasiz: «……agar golf koptokchasi unga tegsa, hech nima bo’lmagandek o’yin davom ettirilaveradi….»
Diqqat savol: Nimaga tegsa o’yin davom ettirilaveradi?
Javob: Kenguruga. Bilasiz Avstraliyada kengurular juda ko’p
6142. GPS tizimi paydo bo’lganidan keyin ma’lum bo’lishicha ushbu yodgorlikni 240 metr shimolroqqa surish kerak ekan.
Diqqat savol: ushbu yodgorlik qaysi Davlatda joylashgan?
Javob: Ekvador. Ushbu yodgorlik «Ekvator chizig’i» ga qo’yilgan yodgorlik edi.
6143. Mishel Montan ular haqida shunday degan: «Ular naqadar baxtli, omadlari quyosh nurida charaqlaydi, omadsizliklarini esa yer tinchgina o’z bag’riga oladi».
Diqqat savol: Bu qaysi kasb vakillari?
Javob: Vrachlar. Shifokorlar.
6144. XI asrdagi Fransuz miniaturasida Xudo Odam Atoni boshqalardan ajralib qolmasligi uchun tanasiga bir o’zgartirish kiritayotgani tasvirlangan.
Diqqat savol: Odam Atoni tanasida mavjud bo’lmagan a’zosini ayting?:
Javob: Kindik. Chunki Odam Ato onadan tug’ulmagan.
6145. 1913 yilda amerikalik mahbus Artur Vinn uzoq vaqt shaxmat shaklidagi polga qarab o’tiradi va uni o’ylab topadi.
Diqqat savol: Artur Vinn nimani o’ylab topgan?
Javob: Krossvord
6146. Arablar uni ifodalash uchun «she» harfidan foydalanishgan va» nimadir» degan ma’noni anglatgan. Bu harf ispanlarga tushgach boshqacha atala boshlangan, frazsuzlarga borib esa butunlay boshqacha nomlangan. Fransuzlardan u bizga kirib kelgan.
Diqqay savol: Biz hozir uni qanday ataymiz?
Javob: X:
Izoh noma’lum o’zgaruvchi.
6147. Eronliklarni «serapa» deb nomlanuvchi uzun kiyimini Yevropada oldiniga faqat erkaklar kiygan. Hozirda bu kiyimni ayollar kiyishadi.
Diqqat savol: biz bu kiyimni qanday atashadi?
Javob: Sarafan
6148. Qadimgi greklar shimoldagi yerlarda faqat ushbu jonzotlar yashaydi deb o’ylashgan. Shuning uchun u yerni nomini grekchadan tarjimasi «ular mamlakati» deb ataladi.
Diqqat savol: ularni ayting?
Javob: Ayiqlar. «Arktos»- ayiq
6149. Bir hazilga ko‘ra tibbiyot bo‘yicha Nobel mukofoti sovrindori Tu Yuyuning qarindoshlariga BU ISHNI qilish qiyin ekan. BU ISH birinchi marta XIX asrning oxirida Kentukkidagi bolalar bogʻchasida amalga oshirilgan. Siz ham do‘stlaringizning quvonchli kunida BU ISHni qilasiz, albatta.
Savol: BU ISHNI bir necha xorijiy so‘zda yozib bering?
Javob: «Happy birthday to you» qo’shig’ini kuylash
6150. ALFAni biz ayniqsa Angliya tarixiy kinolarida ko‘p uchratganmiz. Ular tarixda ham keng ommalashgan ekan. ALFAlar insonlar hayotida muhim o‘rin egallagan. Hattoki yaqin hamrohi himoyachi do‘stiga ham aylanib ulgurgan. Eng asosiysi ALFAlar ko‘pchilik insonlarga to‘rt faslda ham doimiy hamroh hisoblanadi.
Savol:ALFA qanday buyum ekanligini yozib bering?
Javob: Soyabon
6151. Bu mashhur asar qoraqalpoq tiliga «Farog’atchilik minan to’palasuv» deb tarjima qilingan. Asarning o’zbekcha nomini ayting?
Javob: «Urush va tinchlik»
Izoh: To’palasuv- urush, farog’atchilik — tinchlik
6152. Blits topishmoqlari:
1.Aql bo’lib yashar doim etmish mard,
Tani yonib, e’lga qiladi xizmat.
Topishmoqni toping?
2.Ko’zining Yoshi oyog’iga dori.
Topishmoqni toping?
3.Sandiq to’la pista-bodom,
Ochib ko’r, bo’lsang odam.
Hosiyat ko’p, olam-olam,
Terib ol uni har dam.
Topishmoqni toping?
Javob:
1.Gugurt
2.Sham
3.Kitob
6153. Ushbu davlatda dunyodagi 10 ta eng baland tog’ cho’qqilarining 8 tasi joylashgan. Bu qaysi davlat?
Javov: Nepal
6154. 1942-yilda Britaniya floti nemis suv osti kemalari tomonidan tinimsiz zarbalarga uchragan. Natijada flotda kemalar tanqisligi, shu bilan birga kema yasash uchun xom-ashyo tanqisligi ham yuzaga keladi. SAVOL: Aynan mana shunday holatda ingliz muhandislari kema qurilishida NIMADAN foydalanishni taklif qilishgan?
Javob: Aysberg
Izoh: Shunda suv osti kemalari ularni cho’ktira olmaydi deb o’ylashgan
6155. Samuel Lurye fikricha agar bu inson bir asr avvalroq yashaganida va Kiyevga sayohat qilganida hozirda Rossiya eng katta musulmon davlatga aylangan bo’lardi. SAVOL: Bu insonni toping?
Javob: Umar Xayyom
Izoh: Knyaz Vladimir islomda alkogol ta’qiqlangani uchun xristianlikni davlat dini sifatida tanlagan degan fikr bor. Agarda U Xayyom bilan uchrashganda fikri o’zgarishi mumkin edi.
6156. Qadimgi Misrda uni «Muqaddas sirli san’at» deb atashgan ekan.
Savol Misrliklar nimani shunday deb atashgan?
Javob: Alkimyo (kimyo)
6157. Afsonaviy super mashina McLaren F1 2005 yilgacha tezlik bo’yicha o’z rekordini o’rnatgan (386 km/s) va bu mashina narxi 1.2 mln $ tashkil etgan. McLaren F1 mashinasini ishlab chiqarishda albatta oltindan ham foydalanishgan. Oltindan esa mashinani chiroyli yoki hashamatli ko’rinishi uchun emas boshqa maqsadda ishlatishgan.
Savol: oltindan nima maqsadda foydalanishgan?
Javob: Mashina motorining issiqligini qaytarish uchun.
oltin eng yaxshi issiqlikni qaytaruvchi elementlardan biri hisoblanib ular oltindan yupqa falga yasab, kapotning ichkari tarapiga yopishtirishgan!
6158. Dekster Xolland va Greg Krisel maktabda o’qib yurgan paytlari, maktab bitiruvchilari uchun konsert qo’yish maqsadida «Offspring» gruppasini tuzishadi. Ular gruppaga o’zlaridan 3 yosh katta, gitarist Vassermanni taklif qilishadi. Vasserman o’sha paytda maktab tozalovchisi bo’lib ishlagan, lekin rok yo’nalishi bo’yicha tajribasi yaxshi bo’lgan. Lekin Vassermanni «Offspring» gruppasiga boshqa bir maqsadda taklif qilishgan. Savol: Vassermanni aslida nima maqsadda gruppaga taklif qilishgan?
Javob: Vasserman voyaga yetgan hisoblanib, gruppadagi bolalarga alkagol ichimliklarini sotib olishi uchun taklif qilingan!
6159. Salvador Dali o’z orzulari haqida quyidagilarni aytib o’tgan: Men kichkina vaqtimda, oshpaz bo’lishni orzu qilardim. 6 yoshimda Napaleon bo’lish orzuyim edi. Yoshim o’tgan sari orzularim ham o’sib bordi. Hozir esa men Alfa dan kamiga rozi bo’lmayman!
Savol — alfa ni toping?
Javob: Hozir esa Salvador Dali bo’lishdan kamiga rozi bo’lmayman!
6160. Bir adib o’z yangi asarini do’stiga yuboradi. Oradan bir necha kun o’tgach, sabri chidamagan adib do’stining asar haqidagi fikrini bilish uchun unga xat yozishga qaror qiladi. Lekin har bir so’zning qadrini yaxshi biladigan adibning savol yozilgan xati shunday qisqa bo’ladiki, dunyoda undan qisqa savol berilmagan bo’lsa kerak. Lekin do’sti ham undan qolishmas edi, u ham javob tariqasida adibnikidan uzun bo’lmagan xat yozadi. Siz menga bu yozishmani qayd qilib bera olasizmi?
Javob: ? va !
Izoh: Adib yozmoqchi bo’lgan o’qidingizmi? qanday? yoqdimi? kabi savollarni bir belgi — ? belgisiga jamlaydi. Undan qolishmaydigan do’sti Ajoyib! Zo’r! Barakalla! kabi olqishlarini — ! belgisi bilan tasvirlaydi!
6161. Estoniyalik mashhur Paul Keresga bag’ishlab chiqarilgan markada Paul ot va fillar orasida tasvirlangan. Paul Keresning kasbining hayvonot olamiga hech qanday aloqasi yo’qligini bilgan holda, uning kasbini toping?
Javob: Shaxmatchi!
Izoh: ot va fillar hayvonot olamiga taalluqli bo’lmagan yana qayerda uchrashi mumkin?
6162. Luqmoni Hakimning aziz farzandlariga qilgan nasihatlaridan:
Odamlarda 360 rag bo’lur
Raglaridan biri badrag bo’lur
Diqqat savol odamdagi 360 rag bitta badrag nima ?
Javob: Rag- tomir (360 tomir)
Badrag-yomon tomir.
6163. Amerikaliklarda bu narsa o.k.y., yaponlarda y.o.k., bizda esa k.o.y shaklida beriladi. Siz menga shu usulda Bugungi tanlovimiz haqida xabar bering?
Javob: 14.03.2024
Amerikiada 03.14.2024
Yaponlarda 2024.03.14
6164. Birinchisi o’z nomini o’lchami uchun olgan. Ikkinchisi beradigan ma’lumotiga ko’ra nomlangan, uchinchisi joylashgan joyiga ko’ra nomlangan, to’rtinchisi nomi hali aniqlanmagan bo’lsa, siz menga beshinchisining nomini ayting?
Javob: Jimjiloq!
6165. Kanada poytaxti Ottavaning Sparks ko’chasi 245-uyida bir muzey joylashgan. Tarixiy muzey desa ham bo’ladi. Chig’anoqlar, turli xil toshlar, kakao yong’oqlari, hayvon mo’ynalari… Tasavvur qiling, sizdan ham bu muzey uchun eksponat berishni so’rashdi. Eng qizig’i sizda bu eksponat bor, menimcha hozir, shu yerda ham sizda bu muzey uchun 3-4 ta eksponat topiladi. Bu qanday muzey?
Javob: Pul muzeyi
Izoh: Afrika mamlakatlarida pul sifatida chig’anoqlardan, shimoliy o’lkalarda hayvon mo’ynalaridan, turli hududlardan har xil toshlardan, bug’doy, tuz, kakao yong’og’i kabi vositalardan pul sifatida foydalanilgan!
6166. “O`zbek xalq rivoyatlari” kitobida yozilishicha, qadimda ba’zi bir boylar bog’larida ishlayotgan ishchilar qo’shiq aytib mehnat qilishgan. Yo’q, bu ularning ma’naviy hordiq chiqarishi uchun emas, xasis boylar ularni bunga majbur qilishgan. Savol: Boylar nima uchun ishchilarini qo’shiq aytib ishlashga majbur qilishgan?
Javob: Mevalarni yeb qo’ymasligi uchun.
Izoh: Xasis boylar ishchilar terayotgan mevalarini og’izlariga solmasligi uchun ularning og’izlarini band qilib qo’yish maqsadida ularni qo’shiq aytib ishlashga majbur qilishgan!
6167. Bir savdogar Germaniyadan Fransiyaga olib kelayotgan narsasini bojxonada “ming banka Germaniya havosi” deb ro’yxatdan o’tkazadi. Bu odam firibgarlik qilib, aslida olib kelayotgan narsasiga to’laydigan bojni kamaytirish maqsadida bu ishni amalga oshirgan edi. Aytinglarchi, u Germaniyadan nima olib kelayotgan edi?
Javob: Bankalar. Bo’sh bankalar!
Izoh: Ma’lumki mamlakatdan olib ketayotgan maxsulotning qiymatining ma’lum foizi boj sifatida to’lanadi. Banka olib ketayotgan savdogar boj miqdorini kamaytirish maqsadida olib ketayotgan bankasini tara sifatida rasmiylashtirib, asosiy mahsulotni «havo» deb rasmiylashtirishga harakat qilgan!
6168. Mening bir tarix faniga juda qiziqadigan o’rtog’im har safar soat 17:21 bo’lganda «Ana bo’masam, hozirgina X tugadi» deyishni yoqtiradi. Savol: x-?
Javob: Shimoliy urush.
Izoh: u do’stim 17:21 ni ko’rganda har doim 20 yil davom etgan Shimoliy Urushni esga oladi.
6169. Bir hazilga ko’ra figuralik uchish bo’yicha birinchi jahon chempionati 1242 yilda o’tkazilgan ekan. Savol: bu chempionat qaysi davlatning o’ta muvaffaqiyatsizligi bilan yakun topgan?
Javob: Tevton ordeni
6170. Angliyaga kelgan Rim legionlari angliyaning sovug’idan juda ham qattiq aziyat chekishgan. Ayniqsa askarlarni oyoqlari eng sovuqdan muzlab qolib yura olmaydigan daraja kelib qolishgan. Shunda rim askari Uni oyoqlariga surtishgan va oyoq kiyimlarining ichiga solishgan. Natijada, oyoqda qon aylanishi boshlangan va askarlar yura boshlagan. Sizga yordam bo’lishi uchun aytib o’taman: Bir ertakda qirolicha uning yordamida 6 ta aka-ukani qutqaradi. Savol: U nima?
Javob: Qichitqi o’t yoki jargonda krapiva.
6171. Bir marketolog shunday degan: «X ni Y siz qilishni huddi qorong’uda go’zal qizga ko’z qisishga o’xshatadi, ya’ni siz o’zingiz nima qilayotganingizni bilasiz, boshqalar esa yoq». Yana uning ta’kidlashicha, ahloqiy va ahloqsiz bo’lgan Y larning bir biridan farqi yolg’on va rostning ishlatilish proporsiyasiga bog’liq ekan. Savol: bizga X va Y ni topib bering?
Javob: X-Biznes, Y-Reklama
6172. Bu rasmga yaxshilab ahamiyat bering. Siz rasmda ko’rib turgan bu jonzodning nomi bir mashhur bastakor va qo’shiqchining sharafiga nomlangan. Yordam uchun ayta olamanki, orangizdan eng kamida 80-90% ingiz bu insonni ovozini bir multfilimda eshitgansiz. Savol: qaysi multfilimda?
Javob: Qirol Sher
Izoh: bu krivetkaning tuzilishi aynan Elton Johnga juda ham o’xshaydi. Shu sabablidir unga Elton Johnni nomi berilgan. Barchamiz biladigan Simba multfilimini soundtracki aynan shu inson tomonidan bastalangan va ijro ham etilgan.
6173. Texas Shtatining bir joydagi menyuning tepasida “Istagan taomini tanlashing mumkin” deb yozib qo’yilgan. Eng qizig’i bu menyuda birorta ham taomning narxi yozilmagan. Ya’ni bu ovqatlarning hammasi bepul. Bu menyuning eng tagida esa bu joyning mijozlariga bir tilak bildirilgan. Savol: bu tilakni bizga 3 ta so’z bilan yozib bering?
Javob: Joyingiz(joningiz) jannatdan bo’lsin. (qamoqxonada o’lim hukmi ijrosi oldidan beriladigan menyuda yozilgan.)
6174. Diqqat asardan parcha: “Bu buyuk jang. Jangni son-sanoqsiz janglarda tajriba orttirgan qo’mondonlar boshqarganlar. Jang taqdirini esa yaqindagina oddiy askarlikdan ofitser darajasiga ko’tarilgan Maykl Smitning qirolni asir olishi hal qildi”. Savol: aytingchi, qaysi xizmatlari uchun Maykl Smitning unvonini oshirishdi?
Javob: Taxtaning oxiriga borgani uchun!
Izoh: Payqagan bo’lsangiz, savol shaxmat haqida edi. Shaxmatdagi oddiy askar qachon ofitserlikka ko’tariladi?
6175. «U» kambag’alda bor, boy Unga muhtoj, Uni yesangiz o’lasiz, kiysangiz sovuqotasiz. «U» nima?
Javob: Hech narsa!
Izoh: Kambag’alda nima bor? Hech narsa!
Boyga nima kerak? Hech narsa!
Hech narsa yesangiz nima bo’ladi?
Hech narsa kiysangizchi?
6176. Bu ro’yhatdan asosan skandinaviya xudolari o’rin olgan – Odin, Tor, Freya …. Siz menga shu ro’yhatdagi 2 ta sayyorani topib ayting?
Javob: Quyosh va oy!
Izoh: Monday — Oy kuni
Tuesday — Tea kuni
Wednesday — Odin kuni
Thursday — Tor kuni
Friday — Freya kuni
Saturday — Saturn kuni
Sunday — Quyosh kuni!
6177. Bu uskuna ilk ko’rinishi 70 tonnaga yaqin og’irlikka ega bo’lgan va 300 kvadrat metr joyni egallagan. Uning biz o’rgangan ko’rinishini ilk bor Fransiyalik Truong Trong Ti yasagan ekan. Aytingchi, gap nima haqida ketayapti?.
Javob: Kompyuter!
6178. Bu uch haydovchi doimo birga. Do’mboqvoy tepsa-tebranmas, og’ir karvon bo’lsa ham, odamlar ko’zida uning obro’yi baland. Novchavoy esa aksincha, el xizmatida tinimsiz yelib yugursa ham, nimagadir hech kimning unga e’tibor berishga hafsalasi yo’q. Avvallari bu azamatlarning oshiqlari olcha ediyu, lekin so’nggi paytlarda juda qattiq raqobat tufayli bular el nazaridan qolishayapti. Ushbu ma’lumotlardan foydalanib, biz tilga olmagan uchinchi haydovchining ismini ayting?
Javob: Daqiqa (Minut)
Izoh: Gap soat millari haqida ketayapti! Do’mboqvoy -soat mili, Novchavoy (tezkor) sekund mili, biz tilga olmaganimiz daqiqa mili edi (Soatning boshqa strelkalari yozilgan javoblar inobatga olinmaydi)
6179. «U-yonayotgan, o’rtaniyotgan vijdonning TO’RTBURCHAK bo’lagidir», deb aytgan edi bir mashhur Rus yozuvchisi va tarjimoni.
Savol: U-?
Javov: U-KITOB
Bu so’zlar Pasternakka tegishli edi.
6180. Asqad Muxtorning «Uyqu qochganda» degan kitobchasida shunday yozilgan «Undan qo’rqma, unga hali yetish kerak» savol yozuvchi unga deganda nimani nazarda tutmoqa?
Javob: Keksalik
6181. Aleksandr Dyuma asarlarini yozishda ko’plab, ayniqsa «Adabiy negrlar» deb ataladigan yordamchilarning xizmatidan unumli foydalangan. Ular orasida eng taniqlisi U bo’lib, u durdona roman «Graf Monte Kristo» va Dyumaga katta muvaffaqiyat olib kelgan «Uch mushketiyor» asarlari syujetini o’ylab topgan. Savol u kim?
Javob: Ogyust Make
6182. Fantast va sarguzasht janrida ijod qilgan Jyul Vern U davlatda umuman bo’lmagan, lekin shunga qaramay, uning to’qqiz romanidagi voqealar rivoji U davlatda (To’liq yoki qisman) kechadi.
Savol U qaysi mamlakat?
Javob: Rossiya
6183. Hind diniy kitobi «Amritabindi upanishad» da yozilishicha «Agar ong UNGA asir bo’lsa, u qullikning sababi, UNDAN holi bo’lsa, xurlikning manbaidir».
Savol: UNGA o’rnidagi so’zni ayting?
Javob: Hissiyotga.
Manba: o’sha asarning 304-betida shunday yozilgan.
6184. Qaysi buyuk adib yangi asari ustida ishlashni boshlay turib bir-ikki oyga xonasiga qulflanib olib va yorug’lik tushmasligi uchun derazayu, darchlarni zichlab yopib. Shundan keyin egniga xalat ilgancha sham ostida har kuni 18 soatlab ijod bilan mashg’ul bo’lgan?
Javob: Onore De Balzak
6185. Bu sport o’yinida har jamoada 7 ta o’yinchi qatnashadi: 3 ta hujumchi, 2 ta qanot o’yinchisi, 1 darvozabon. Bu o’yin boshqalaridan o’yin inventari sifatida foydalaniladigan oddiy buyum bilan farq qiladi. Siz menga bu o’yinning ENG MASHHUR o’yinchisining nomini ayting?
Javob: Garry Potter (Harry Potter)
Izoh: Gap Kviddich o’yini haqida ketayapti. Oddiy buyum esa supurgi!
6186. Kuzatishlarga ko’ra, bu yerda yonma-yon turgan uchtasidan eng yaxshisi ko’pincha yig’layotgan bo’lar ekan, ikkinchisi esa qayg’uda, uchinchisi xursand! Siz menga bu uchalasi qayerda turganini ayting?
Javob: Pedestalda (shoxsupa)
Izoh: Kuzatishlarga ko’ra, pedestalda turgan musobaqa g’olibi ko’pincha quvonchdan yig’layotgan bo’lar ekan, ikkinchi o’rin sohibi hozirgina g’olibga yengilgani uchun alam tuyg’usidan qutilib ulgurmagan axvolda, 3-o’rin sohibining esa hissiyotlarni jilovlash uchun yetarlicha vaqti bo’lgani uchun xursand va xushchaqchaq axvolda pedestalga ko’tarilar ekan!
6187. Bu “til”ni dunyoning hamma davlatida biladilar, unda yozadilar, unda yozilganini o’qiydilar, tinglaydilar! Lekin bu tilning bittagina muammosi bor – bu tildagi tovushlarni talaffuz qilishga inson ojizdir. Qaysi til?
Javob: Notalar (musiqa tili)
Izoh: Notalar tilida yozish, ularni o’qish va kuylarni tinglash mumkin. Lekin bu tildagi tovushlarni inson talaffuz qila olmaydi, bularni talaffuz qilish uchun musiqa asboblari kerak bo’ladi! (soqovlar tilida yozilganlarni tinglab bo’lmaydi!)
6188. Hazilda aytilishicha, poraxo’rlarning bolalikda o’rgangan birinchi so’zi «ber», bo’lar ekan, ikkinchisi ham «ber», uchinchi bo’lib ular boshqa bir 4 harfli so’zni aytishga o’rganishar ekan! (Qizig’i, bu savolni bir necha yil oldin berganimda «3 harfli so’z» deb yozgan bo’lar edim)! Bu so’zni toping?
Javob: Yana
Izoh: Latifa: Poraxo’rlar bolalikda avval «ber» degan so’zni o’rganishadi, keyin yana «ber» so’zini o’rganishadi. Bu so’zni o’rganib bo’lganidan keyin «yana» so’zini o’rganishar ekan!
Aniqlik kiritamiz: Bir necha yil oldin, ya’ni lotin alifbosiga asoslangan yozuvga o’tishimizdan oldin men 3 harfli so’z, ya’ni яна so’zi haqida so’rashim kerak bo’lar edi!
6189. Facebookdagi «Секреты успеха Великих» sahifasida bir maqolaga ko’zim tushdi. Unda ayollar har doim to’g’ri kiyim tanlashi, soch turmagani kiyim va yuziga moslashi, atirlarni ham harakterga mosidan foydalanishi va yana qator maslahatlar berilgan ekan. Shu maqolani oxirida esa: «Bu barcha sanab o’tkan maslahatlarimiz hech qanday qiymatga ega emas, agar sizni yoningizda Alfa bo’lmasa» deb yozilgan edi. Savol: alfa ni toping?
Javob: ERKAK
6190. Bu detektiv asar qahramoni o’z adashining afsonaviy qahramonliklarini ramziy ma’noda takrorlash maqsadida naq 12 ta qiyin ishni tanlaydi va ularga muvaffaqqiyatli ravishda yechim topadi! Bu izquvarning nomini toping?
Javob: Erkyul Puaro
Erkyul — Gerkulesning adashi (Herkul — Herkules). Gerkulesning 12 ta qahramonligini takrorlash maqsadida 12 ta qiyin ishni ochadi!
6191. Bu qahramon o’z otasini ming bo’lakka bo’lib tashlaydi. Qizig’i shundaki, qaytar dunyo deganidek, uning farzandlari ham qahramonning o’zini xuddi shu ko’yga solishadi! Ammo bu qahramonning bir xususiyati bu qahramonni ham, uning farzandlarini ham padarkush deb aytishga imkon bermaydi! Bu qahramonning ismini ayting?
Javob: Kronos
Izoh: Kronos o’z otasi Uranni parchalab tashlaydi! Kronosning farzandlari Zevs boshchiligida Kronosning o’zini ham bo’laklarga bo’lib tashlashadi. Lekin Uran ham, Kronosning o’zi ham titanlar bo’lgani uchun, ular bu holda o’lmaydi, demak ularni padarkush deb aytishga asos yo’q!
6192. Ikki pashsha Robinzon Kruzoning boshida qo’nib turgandi. Ulardan biri ikkinchisiga:
-Hozircha hayr og’ayni!!!
Diqqat savol. Shundan so’ng ikkinchi pashsha unga qachon ko’rishishlarini aytadi?
Javob: JUMA kuni
Izoh: Bugun ham JUMA kuni
Barchanggizga Ramazonning ilk JUMA kuni muborak bo’lsin.
6193. Tolkiyenning “Hobbit” asari qahramonlari Gollum va Bilbo bir biriga topishmoq aytishayapti: “Nafassiz tirik, o’likdek sovuq, chanqamasdan suv ichar, Jangchi emas, sovut kiyar”.
Siz ham bu topishmoqni topa olasizmi?
Javob: Baliq
6194. Dunyo bo’ylab kanalida Fransiya haqida so’z borar ekan, fransuzlar azaldan boshqalarga o’xshamay keladigan xalqiligi aytib o’tildi. Buni ular hamma narsani o’zlarini prinsiplariga moslab olishlaridan bilsak bo’ladi. Masalan, siz bilan biz biladigan X ni analogi Fransiyada ham bor ekan. Lekin, original X dan asosiy farqi, Fransiyada faqatgina lentacha uzilsa bas. Savol: X ni toping?
Javob: Korrida
Izoh: fransuzlar qo’shnilarni ya’ni ispanlardan farq qilish uchun korrida janglarini umuman boshqacha o’tkazishar ekan. Matador faqatgina buqaga bog’langan lentachani uzishni uddalasa bo’ldi. Buqa o’ldirilmaydi. Hattoki, Korridani ham fransuzlar o’zlarini prinsiplariga moshlashtirishibdi!
6195. Insoniyat yaralibdiki bir-birini chuv tushurish payida. Buning uddasidan chiqgan shovvozlar shu qadar ko’pki, ular haqida hattoki TOP firibgarliklar reytingi ham tuzilgan. Bu reytingni birinchi pogonasida Chex millatiga mansub Viktor ismlik kishi, asli Dijonlik kishining ijod mahsulini bir emas 2 marta pullab yuborgani o’rin olgan. Savol: bu ijod mahsulini nima ekanligini aniq ayting?
Javob: Eyfel minorasi.
Izoh: Gustavo Eyfel asli Dijonlik. 1925-yilda Chex millatiga mansub Viktor Lyusting Eyfel minorasini temir-tersak yig’uvchilarga shu holda pullaydi. Eng qizig’i u bu ishni 1 yilda 2 marta amalga oshirishga muvaffaq bo’lgan
6196. Robinzon Kruzo halokatga uchragan kemani qoldiqlari orasini qidirar ekan vino, porox, siyoh, qurol va kiyimlar topganidan juda ham xursand bo’lib ketadi. Lekin UNI topganida «bu narsa keraksiz sarqit deya» UNI tashlab yuborgan. Juda ham ko’pchilikka kerak bo’lgan uni, Robinzon bir chaqaga ham olmaganini o’quvchi chunadi, albatta. Savol: UNI toping?
Javob: chaqa pullar(pul)
Izoh: Robinzon chaqa tangalarni topganida ularni tashlab yuboradi. Kimsasiz orolda unga pul nimaga ham kerak bo’lardi? Hech narsaga. Savolda bir chaqaga ham olinmagan deb, sizga javobga ishora qilgan
6197. Eski topishmoqni tinglang: «Bu qanday mahluq ekan, qish bo’yi tinmasdan ovqatlansaku, yoz bo’yi uxlasa, tanasi issiqku lekin qoni yoq». Savol: bu bolalar topishmog’ida nima ta’riflangan?
Javob: Pechka.
Izoh: bu eski topishmoqda pechka ta’riflangan. chunki oldinlari hozirdagi zamonaviy isitish sistemalari bo’lmagan va odamlar pechkalarni yoqib uylarini isitishgan. Qishda yoqib qo’yilgan pechka yozda albatta o’chirib qo’yiladi. (gaz plitasi yoki gaz duxovkasi variantlari qabul qilinmaydi)
6198. «Кости» seriallida qotil jinoyat vaqti teri oqib jinoyat quroliga tushganligi ma’lum boladi va ekspertizada faqat qotil rak kasalligi bilan kasallangani va kasallikga qarshi dori ichayotgani ma’lum bo’ladi. Agent But gumondorlar orasidan tezda bo’yi pastgina, yuzida juda ham ko’p kosmetika bo’lgan, sochlari qora, qari ayolni tanlab oladi va oxirida uni aybdorligi isbotlanadi. Savol: Nega Agent But aynan shu ayoldan gumon qilgan?
Javob: Chunki rak kasalligiga qarshi muolaja inson yuziga qattiq salbiy ta’sir qiladi. Yuzlariga dog’ tushgan edi.
izoh: yuzidagi muolaja ta’sirni berkitish uchun qotil ayol kosmetikani haddan ziyod ishlatgan. Shundan But shubhalangan
6199. Amerikadagi maktab o’quvchilariga beriladigan topishmoq. “Uning boshida hech narsa yo’q, oxirida ham hech narsa yo’q, o’rtasi esa baland” Bu topishmoqni javobini toping?
Javob: Ohio (Ogayo) shtati
Izoh: boshi yo’q ya’ni nol(0), demak oxiri ham nol(0). o’rtasi esa baland ya’ni high. Demak : 0high0. nol o harfiga o’xshab ketadi.
6200. Qadimgi inklar odamlarni qurbonlik qilishgan. Lekin odam o’rniga bir xususiyatga ega bo’lgan qushni olib kelish ham mumkin bo’lgan. Savol bu qaysi qush?
Javob: To’tiqush
Izoh: Qush gapirish xususiyatiga ega bo’lishi kerak bo’lgan!