Vilson (Uilson; Wilson) Tomas Vudro

Vilson (Uilson; Wilson) Tomas Vudro (1856.28.12, Stanton -1924.3.2, Vashington) — AQSh davlat arbobi. Davlat huquqi va siyosiy iqtisod prof. Nyu-Jersi shtati gubernatori (1910 yildan). Demokratik partiyadan ikki marta AQSh prezidenti etib saylangan (1913-21). Sho’rolar Rossiyasini parchalab tashlash rejasini tuzgan. Millatlar ittifoqini ta’sis etish tarafdori bo’lgan. Tinchlikni mustahkamlash yo’lidagi faoliyati uchun Nobel mukofotini olgan (1920).