Malinke, maninka

Malinke, maninka — G’arbiy Afrikada tarqalgan mande tillaridan biri, bamana va diula tillari bilan birgalikda mandingo til birligini tashkil etadi. Senegal, Gvineyada, qisman Mali, Liberiya, Serra-Leoneda tarqalgan; unda 4 millionga yaqin kishi so’zlashadi. Anchagina laxjalari bor: Konya, koranko, Manya, Mau sinya va boshqalar. Malinkeda unlilar tizimi rivojlangan: ochiq, cho’ziq va burun fonemalar; bu uch belgi-xususiyat bir fonemaning o’zidan namoyon bo’la oladi. Morfologiyasi yaxshi rivojlanmagan analitik til bo’lganligi sababli, Malinkeda sintaktik vositalar, xususan, gapda qat’iy belgilangan so’z tartibi, ko’makchilarning alohida o’rni katta ahamiyatga ega.