Quvaqov Masharip

Quvaqov Masharip (1938.13.5 — Xoning umumiy Razm viloyati, Bog’ot tumani Beshariq ko’rinishi. qishlog’i — 2002.2.1) — qishloq xo’jalik novatori, O’zbekiston Qahramoni (1997). O’zbekistonda xizmat ko’rsatgan qishloq xo’jaligi xodimi (1994). Toshkent xalq xo’jaligi institutini tugatgan (1966). Mehnat faoliyatini 1955 yildan Bog’ot tumanidagi Narimanov (keyinchalik Iskandar Do’sov nomidagi) jamoa xo’jaligida hisobchi vazifasidan boshlagan. Shu xo’jalikda yoshlar tashkiloti yetakchisi, bosh iqtisodchi (1968— 70), «Bog’ot» sovxozi direktori (1974-86), Xorazm viloyati agrosanoat qo’mitasi raisining birinchi o’rinbosari (1986— 91). 1991 yildan «Bog’ot» (hozirgi M. Quvaqov nomidagi) shirkat xo’jaligi boshqaruvi raisi. Quvaqov rahbarlik qilgan xo’jalik uzoq yillar davomida paxta, sholi va bug’doydan yuqori hosil yetishtirishga erishdi. Xo’jalikda sug’oriladigan yerlar 3000 gektarga yetkazildi. Sholidan 1999 yilda 50 ts/ga, bug’doydan 65 ts/ ga, paxtadan 32,3 ts/ga hosil olindi. Xo’jalikda respublikada birinchi bo’lib kuzgi bug’doydan bo’shagan maydonlarga sholi niholini o’tqazib ekish usuli muvaffaqiyatli joriy qilindi. Shirkat xo’jaligi Markaziy qo’rg’onida byusti o’rnatilgan (2004).