BUTOVSKAYA EVDOKIYA MIXAYLOVNA

BUTOVSKAYA EVDOKIYA MIXAYLOVNA (1917. 28. 12, Poltava — 1982. 7. 1, Toshkent) — seysmolog olima. O’zbekiston Fanlar Akademiyasi muxbir a’zosi (1979), O’zbekistonda xizmat ko’rsatgan fan arbobi (1978). fizika matematika, fanlari Doktori (1971). O’rta Osiyo davlat universitetini tugatgan (1940). O’zbekiston Fanlar Akademiyasi matematika instituti seysmologiya bo’limi tashkilotchisi va rahbari. Geologiya va geofizika instituti seysmologiya laboratoriya mudiri (1963 yildan). Asosiy ilmiy ishlari zilzila muammolariga, zilzila o’chog’ini va seysmik rejimini aniqlashga, joylarni seysmik rayonlashtirishga, yer po’stining chuqur qismlarini o’rganishga doir. O’zbekistondagi 10 ga yaqin suv omborlarining mukammal seysmik rayonlashtirishga rahbarlik qilgan. Beruniy nomidagi O’zbekiston Davlat mukofoti laureati (1981).