BUSHMEYSTER

BUSHMEYSTER, surukuku (Lachesus mutus) — zaharli ilonlar turi. Chinqiroq ilonlar oilasining cho’nqirbosh viperalar urug’iga mansub. Uzunligi 4,3 metr, yo’g’onligi odam sonidek, viperalar ichida eng yirigi va zaharlisi. Terisi qizg’ishsariq, orqa tomonida romb shaklidagi qator qora naqshlari bor; qorni oq yoki sarg’ishoq, chinnidek yaraqlaydi. Janubiy Amerika o’rmonlarida yashaydi. U ko’pincha soya yerlarda kulcha bo’lib yotadi. Zahar tishi 2,5 santimetrcha, zahari o’tkir. Odamga tashlanadi. Tuxum qo’yib ko’payadi. Turli jonivorlar bilan oziqlanadi.