CHIGIRTCHILAR

CHIGIRTCHILAR, dengiz qaldirg’ochlari (Sternidae) — baliqchisimonlar turkumiga mansub qushlar oilasi. 10 urug’i va 43 turi bor. Gavdasining uzunligi 20-55 santimetr. Qanoti uzun, tumshug’i uchli. Umumiy rangi och, ko’pchilik turlarining boshida qora «qalpoqcha»si, barmoqlari orasida teri parda bor. Chaqqon uchadi, suvda yaxshi suzadi. Dengiz, kichik daryo va ko’llarning orollarida yerda, ba’zilari daraxtlar va butalarda, botqoqlikda yashovchi turlari suv yuzasiga o’simlik to’shab, uya yasaydi. 1-4 ta tuxum qo’yib, 14 -22 kun bosadi. Tuxumdan chiqqan jo’jalari 1 kundan orqasidan ergashish qobiliyatiga ega. Tabiatda 23-27 yil yashaydi. Asosan, baliqlar, keyin urgochisi qisqichbaqasimonlar va hasharotlar bilan oziqlanadi. Yer yuzida juda keng tarqalgan. O’zbekistonda 7 turi uchraydi.