Usmonov Botir Maqsudovich

Usmonov Botir Maqsudovich (1984.15.4, Samarqand) — og’ir atletikachi, xalqaro toifadagi sport ustasi (2001), «O’zbekiston iftixori» (2001). Samarkand shahri respublika Olimpiya zaxiralari bilim yurtini tugatgan (2002). O’zbekistonda sport ustasi unvoniga sazovor bo’lgan eng yosh og’ir atletikachi (1998). Yoshlar o’rtasida Osiyo (1999, Uxan; 2000, Chenju; 2001, Nanchan; 2003, Bali), kattalar o’rtasida O’zbekiston (2002, 2003, 2004) chempioni. Ko’plab nufuzli musobaqalar sovrindori. O’zbekiston Respublikasi ichki ishlar vazirligi akademiyasida o’qiydi (2004). O’zbekiston Respublikasi Madaniyat va sport ishlari vazirligida sport yo’riqchisi (2001 yildan).