Umarov Abdulhay Rashidovich

Umarov Abdulhay Rashidovich (1928.6.10 Toshkent 2002.31.5) san’atshunos, O’zbekistonda xizmat ko’rsatgan san’at arbobi (1978). O’rta Osiyo universitetini tugatgan (1952). 1957 yildan Hamza nomidagi San’atshunoslik ilmiy tadqiqot institutida ilmiy xodim, 1961 yildan katta ilmiy xodim, 1963 yildan O’zbekistonning zamonaviy tasviriy san’ati bo’limi mudiri, 1959 yildan O’zbekiston rassomlar uyushmasi boshqaruvi a’zosi (rais muovini, 1968-73). Umarov O’zbekiston tasviriy va amaliy san’atining rivoji, zamonaviy mavqeiga oid ilmiy asarlar, o’zbek rassomlari ijodini tahlil etuvchi maqolalar muallifi; O’zbekiston san’ati tarixiga oid ko’plab kitob, albomlarda muallif sifatida qatnashgan. Ad.: Umarov Abdulxay Rashidovich [Katalog], T., 1989.