ASOSLI TOG’ JINSLARI

ASOSLI TOG’ JINSLARI — magmatik jinslar. Kremniy oksidi bilan to’yinmagan va tarkibida kvars bo’lmagan jinslar. Asosli tog’ jinslarida kremniy oksidi 50 — 55% dan ortmaydi. Nordon tog’ jinslariga nisbatan kaliy, natriy kam, temir, kaltsiy, magniy esa ko’p. Mineral tarkibida asosli plagioklazlar ko’proq, ortoklaz, mikroklin esa kam. Bunday jinslarga gabbro, bazalt, diabaz va boshqalar kiradi. Asosli tog’ jinslari O’zbekistonda Janubiy Farg’ona, Turkiston, Tomdi, Sulton Uvays va Nurota tog’larida uchraydi.