Рубрика: K harfiga oid pedagogikaga oid ensiklopedik atamalar

Kichik mutaxassis-umumta’lim va kasb-hunar ta’limi dasturini muvaffaqiyatli o’zlashtirgan O’MQXT o’quv muassasalari bitiruvchilariga beriladigan malaka darajasi.

Kichik maktab yoshi-boshlang’ich 1-4-sinflarda o’quvchilarning yosh davri.

Kichik guruh-miqdoriga ko’ra oz sonli o’quvchilardan iborat jamoa, u o’quv faoliyati orqali birlashgan ta’lim oluvchilar guruhi.

Kitoblarga qo’yiladigan gigiyenik talablar-kitobni jihozlash, nashr etish va u bilan munosabatga kirishishga oid talablar.

Kirill yozuvi-qadimiy slavyanlarning ikki alifbosidan biri. U xristianlikning slavyanlar orasidagi targ’ibotchisi Kirill nomi bilan bog’liq atama.

Kinoshrift-kar-soqov bolalarni o’qitadigan maktablarda og’zaki nutq materiallarini shriftlar orqali ko’rsatish uchun qo’llaniladigan ko’rgazmali vosita.

Kimyo o’quv predmeti-narsalarning tuzilishi, asosiy xususiyatlari, rivojlanishi va o’zgarishini o’rgatishga qaratilgan o’quv predmeti.

Kimyo o’qitish metodikasi-1) kimyo ta’limi nazariyasi hamda metodikasi bo’yicha talabalarga muayyan bilim, ko’nikma, malakalar hosil qilishga xususiy pedagogikaning alohida tarmog’i.

Kimyo Davlat ta’lim standarti-kimyo ta’lim mazmuni va ushbu o’quv predmeti bo’yicha o’quvchilar egallaydigan bilim, ko’nikma, malakalarga qo’yilgan talablarni davlat tomonidan tasdiqlangan etaloni, modeli.

Kechki maktab-katta yoshdagi o’quvchilarning ish vaqtlari tugagach, ta’lim-tarbiya jarayoni boshlanadigan maktab.