Рубрика: K harfiga oid qurilish atamalari

Konstruksiyaning metallashtirilgan himoya qoplamasi – konstruksiyaning yoki uning elementlarining himoyalangan yuzasiga erigan metallni purkash orqali olingan himoya qoplamasi.

Konstruksiyaning yong’indan saqlanganligi – yong’indan keyingi qolgan mustahkamligi yoki qaytarilmas deformatsiyalari uning ishonchli ishlashini ta’minlashga imkon beradigan konstruksiya holati.

Konstruksiya korroziyaga chidamliligi – konstruksiyaning ma’lum vaqt davomida agressiv muhit ta’siriga qarshi turish xususiyati.

Konstruksiyalarning shikastlanishi – konstruksiyalar uchun normativ-texnik hujjatlarda belgilangan darajadan oshib ketgan tashqi omillar ta’sirida qurilish konstruksiyasi yoki uning bir qismi soz holatining buzilishi bilan ifodalanadigan hodisa.

Konstruksiyaning deformatsiyalanishi – yuk va kuchlar ta’sirida konstruksiya (yoki uning bir qismi) shakli va o’lchamlarining o’zgarishi.

Konstruksiyalarni korroziyaga sinash – konstruksiya yoki himoya qoplamalarini agressiv muhitda ularni korroziyaga chidamliligini va (yoki) himoya xususiyatini aniqlash maqsadida sinash.

Konstruksiyalar va (yoki) mahsulotlar to’plami – bino yoki uning qismini tashkil etish uchun zarur bo’lgan konstruksiyalar miqdori va (yoki) konstruksiya yoki uning qismini shakllantirish uchun kerakli mahsulotlar.

Konstruksiyalar-ko’ndalang (to’rsimon) ko’rinishi armaturalash bilan kuchaytirilgan armatoshlar – gorizontal bo’g’inlarga toshlardan yotqizilgan, armatura to’rlar bilan mustahkamlangan, armatoshdan yasalgan bino va inshootlar elementlari (devorlar, stolbalar).

Konstruksiya-bo’ylama ko’rinishida armaturalash bilan kuchaytirilgan armatoshlar – bino va inshootlarning ichkarida (g’isht terimining vertikal choklarida) yoki tashqaridagi (shtukaturka qatlami ostida yoki keyingi shtrab ishlarida (elementlari (devorlar, stolbalar, ikki eshik yoki … Read More

Konstruksiya (bino, inshoot) turg’unligi – konstruksiya (bino, inshoot)ning uni (ularni) boshlang’ich statik yoki dinamik muvozanat holatidan chiqarishga intiluvchi tashqi kuchlar ta’siriga qarshilik ko’rsatish xususiyati.