Рубрика: K harfiga oid qurilish atamalari

Kirishishlik – materialning quritish, sovutish, qotish va hokazolarda hajmini kamaytirish va zichligini oshirish xususiyati.

Kirishish (qisqarish) – xo’llash, quritish, sovutish, qotish va hokazolar paytida tananing hajmi, o’lchamlarining kamayishi.

Kirish (kirish yo’li, kiraverish) – 1) biror yerga u orqali kiradigan joy; 2) biror narsa kiradigan, o’tadigan joy.

Kirish (topshirish, ishga tushirish) – qiymati bo’yicha harakat, qurilishda ob’yektni kiritish (ishga tushirish) yoki topshirish. Masalan: foydalanishga topshirish, muddatida ishga tushirish va hokazolar.

Kiritish (kirgizish, quyish, qo’yishga oid) – gazsimon yoki suyuq materialni yopiq ish joyiga yetkazib berish (kiritish, quyish). Masalan: suvni quyish.

Kipregel – balandliklarni, masofani, vertikal burchaklarni o’lchash, yo’nalishlarni grafik tarzda chizish va ularni landshaft topografik xaritasiga tushirish uchun mo’ljallangan mexanik yoki optik geodezik qurilma.

Kinoteatr – kinofilmlarni ommaviy namoyish qilish uchun jihozlangan jamoat binosi yoki uning bir qismi. Masalan: mavsumiy kinoteatr, ochiq kinoteatr, yopiq kinoteatr va hokazolar.

Kindik qoziq – bino tarxini yerga ko’chirishda yordam beradigan markaziy qoziq.

Kimyoviy chidamli beton – kimyoviy jihatdan chidamli bog’lovchilar, to’ldirgich va to’ldiruvchilar asosida tayyorlanadigan maxsus beton turi. Kimyoviy chidamli beton olishda sintetik smolalar va polimer qo’shimchali suyuq natriy yoki kaliy shishadan … Read More

Kimyoviy-fizik ta’sirida o’zgargan gruntlar – moddiy tarkibi, struktura va teksturasi texnogen ta’sirlar o’zgartiradigan tabiiy gruntlar.