Рубрика: M harfiga oid iqtisodiy ensiklopedik atamalar

MALAKA — shaxsning o’zi egallagan bilimlari asosida ularning yangi sharoitdagi yangiliklar bilan birga, ma’lum bir faoliyatni samarali bajarish qobiliyatidir.

MAKRO-TALAB — talabning nisbatan katta miqyosda, yirik hajm, keng ko’lam, ko’p tovarlar bo’yicha yaxlit ko’rinishi.

MAKROMUHIT — firmaning marketing muhiti tarkibiy qismi, ijtimoiy jihatdan mikromuhitga tasir ko’rsatuvchi kuchlarga qaraganda keng ifodalanuvchi omillar, masalan, demografik, iqtisodiy, tabiiy, texnik, siyosiy va madaniy omillar.

MAKROMOLIYA — davlat, mamlakat miqyosidagi moliya aloqalaridan iborat.

MAKROIQTISODIY TAHLIL — makroiqtisodiy tahlilda jamiyat miqyosida yuz beradigan iqtisodiy jarayonlarning kechishi harakati tahlil etiladi. Makroiqtisodiy tahlilda iqtisodiyotda o’ziga xos bo’lgan faoliyat ko’rsatish va rivojlanish qonuniyatlariga ega bo’lgan xususiy, davlat … Read More

MAKRO-MARKETING — mamlakatning jami xo’jaligi miqyosida mahsulotlarni yaratish va uning pirovard iste’molchiga tomon harakati jarayonida qatnashadigan faoliyat va muassasalarni birlashtiradigan tizim.

MAKROIQTISODIY MUVOZANATNING KEYNSCHA MODELI — narxlar darajasi o’zgarmas bo’lgan sharoitda jami sarflar va real yalpi milliy mahsulot o’rtasidagi o’zaro bog’liqlikni aks ettiruvchi model.

MAKROIQTISODIY MUVOZANAT — iqtisodiyot turli tomonlarining o’zaro tengligi bo’lib, eng awalo, yalpi talab va yalpi taklifning tengligi orqali namoyon bo’ladi.

MAKROIQTISODIY KO’RSATKICHLAR — mamlakat yaxlit iqtisodiyoti darajasidagi ijtimoiy-iqtisodiy jarayon va hodisalarni o‘lchash hamda baholash imkoniyatini beruvchi ko‘rsatkichlar. Masalan, yalpi ichki mahsulot, milliy daromad, iqtisodiy o’sish, ishsizlik, inflyatsiya darajasi va boshqalar.

MAKLER — vositachi, u fond va valyuta birjasi bitimlarini tuzishda qatnashadi, operatsiyalarni mijoz hisobiga amalga oshiradi va bitim summasidan ma’lum miqdorda mukofot (ulush) oladi.