Рубрика: M harfiga oid tarixga oid ensiklopedik atamalar

Munajjim-osmon yoritqichlarining vaziyatlarini kuzatuvchi shaxs. O’rta asrlarda astrologiya va astronomiya bilan shug’ullanuvchilar munajjim deb atalgan.

Muljar-qamal paytida har bir amirga dushmandan himoya qilish uchun belgibal berilgan yer, darvoza.

Mulla-XIII asrdan boshlab dindorlar va ilohiyotchi olimlar, murabbiylar va muallimlarning obro’yi va ta’siri ancha kuchayadi. Ularni hurmat bilan xalq orasida mavlono deyishgan. Arab tilida u janob, janobimiz degan ma’noni anglatgan. … Read More

Mujtahid-o’rta asrlarda islomda ijtihod huquqiga ega bo’lgan shaxs. Sunniylarda mujtahid diniy huquq mazhablarining asoschilari hisoblangan. Shialarda yuqori martabali dindorlar va diniy huquqshunoslar ham mujtahid deb ataladi.

Mujovirlar-o’rta asrlarda masjid va mozorlarda tunab yuruvchilar shunday deb atalgan.

Mudarris-madrasa o’qituvchisi. Ilgari mudarrislar muayyan ilohiyot fanidan dars bergan. Hozir Sharq mamlakatlarida madrasalar va diniy universitetlarda faqat diniy ilmlardan emas, balki dunyoviy fanlardan dars beruvchilar ham mudarris deb ataladi.

Muvahhid-yakka xudolikka ishonuvchi.

Mubdi’-ixtirovchi, yaratuvchi degan ma’noni anglatgan.

Muboshir-ish yurituvchi; boshqaruvchi. 1. Somoniylar va saljuqiylar davrida amir va sultonlarning ishonchli kishisi. 2. XVII-XVIII asrlarda Buxoro xonligida markaziy davlat idorasining moliya devonidagi amaldor.

Muarrix-tarixchi, tarixnavis.