Рубрика: T harfiga oid pedagogikaga oid ensiklopedik atamalar

Ta’limni innovatsion rivojlantirish banki-pedagogik ma’lumotlar bankidan iborat bo’lib, faktografik tipdagi axborot tizimi, ma’lumotlar almashish va uni axborot xizmati bozoriga kiritishning keng imkoniyatlarini o’zida mujassamlashtiruvchi pedagogik vosita.

Ta’limni axborotlashtirish-o’quv-tarbiya jarayonini yangi axborotlar bilan ta’minlash.

Ta’limni algoritmlashtirish-1) ta’lim jarayoni yoki mazmuniga oid masalalarni yechishda ishlatiladigan amallarning muayyan tartibda bajarilishi haqida aniq dastur; 2) psixologik va mantiqiy munosabatlarni aniqlashda ta’lim oluvchilarni fikrlashga o’rgatish modeli.

Ta’limda ko’rgazmalilik-ta’lim jarayonida o’quvchilarning obrazli fikrlashlariga muvofiq aniq timsollarga asoslangan didaktik printsip.

Ta’limda aniqlik va mavhumlik-o’quvchilarning bevosita kechinmalardan o’rganilayotgan narsa yoki hodisaning mohiyatiga fikran o’tishlarini anglatadigan bilish jarayoni.

Ta’limda anologiya-o’zaro o’xshash pedagogik hodisalar.

Ta’lim funksiyasi-ta’limning ijtimoiy o’zgarishlar jarayoniga ta’sir ko’rsatishi, jamiyatda madaniyatning translatsiya qilinishi va keng tarqalishi, ko’rsatma, qadriyatlarga asoslangan yo’nalish, hayotiy ideallarning shakllanishini belgilab beruvchi majmua.

Ta’lim standarti (DTS)-bu davlatning ta’lim darajasiga qo’ygan me’yori sifatida qabul qilinadigan asosiy paramentrlar tizimi bo’lib, muayyan shaxsning ta’lim tizimidagi mavjud imkoniyatlari va ularni ideal darajaga yetkazishga erishishni anglatadi.

Ta’lim sifati monitoringi-ta’lim sifatini nazorat qilish va baholash jarayoni.

Ta’lim turlari-ta’lim turlari va bosqichlarini mujassamlashtirgan tushuncha.