Harbiy bilet

Harbiy bilet — O’zbekiston Respublikasida Mudofaa ishlari boshqarmalari tomonidan haqiqiy harbiy xizmatga chaqirilgan yoki zaxiraga o’tkazilgan (iste’foga chiqarilgan) fuqarolarga beriladigan hujjat. Harbiy bilet harbiy xizmatda bo’lgan oddiy askar, matros, serjant shaxsini tasdiqlovchi, cheklanmagan muddatli hujjat hisoblanadi. Unda zaxiradagi fuqarolarning harbiy xizmatga aloqasi ko’rsatilgan. Harbiy xizmatda bo’lgan ofitserlar va generallarga shaxsiy guvohnoma beriladi. Ularga zaxiraga o’tkazilganda yoxud iste’foga chiqishganda ofitserlik (generallik) Harbiy bileti beriladi.