Lahhom Abulhasan Ali al-Harroniy

Lahhom Abulhasan Ali al-Harroniy (? -970, Nishopur) — shoir. Buxoro, Xorazm, Termizda yashagan. Ijodida hajv asosiy o’rin tutgan. Hajvlari, asosan, zamondosh maddoh shoirlar va davlat arboblariga qaratilgan. Lahhom vazir Abu Ali al-Bal’amiy (960-74)ni hajv qilgani uchun ta’qibga uchragan va Buxorodan chiqarib yuborilgan. «Yati-mat ud-dahr»da Lahhomning 350 misra she’ri saqlangan. Frantsuz adabiyotshunosi barbe de menar (19-asr) Lahhomni «Somoniylar davrida Buxorodan chiqqan Yuvenal» deb atagan.