Vohid Abdurahmon

Vohid Abdurahmon (1940.4.8, Jom-Bang) — Indoneziya prezidenti. Jombangdagi Islom maktab-internati (1964), Qohiradagi Al-Azhar universiteti va Bag’dod universiteti (1970)ni tugatgan. Mehnat faoliyatini Jombang Islom maktabida muallimlikdan boshlagan. 1972 yildan Jombangdagi Hoshim Ashuari universitetining ilohiyot fakultetida lektor va dekan, 1974-84 yillarda Jombang, so’ngra Jakartadagi Islom internat maktabi direktori; ayni vaqtda Naxdat ul-ulamo nohukumat Islom tashkiloti a’zosi, shu tashkilot Oliy diniy Kengashining birinchi kotibi (1978-84); 1984 yildan tashkilot Raisi. 1999 yil oktabrdan Indoneziya Respublikasi prezidenti. Xalq uyg’onish partiyasi asoschisi (1998).