XALQ LASHKARLARI

XALQ LASHKARLARI — qadimda va o’rta asrlarda urush vaqtida fuqarolardan (asosan, ko’ngillilardan) tashkil topadigan harbiy tuzilmalar; chet el bosqinchilariga qarshi kurash uchun keng xalq ommasini jalb qilish shakllaridan biri. Xalq lashkarlari deyarli barcha xalqlar tarixida juda qadimdan ma’lum. Bir davlat boshqa bir davlatga hujum qilganida bosqinchilikka uchragan mamlakat xalqi o’z vatanini mudofaa qilish uchun qo’liga qurol olgan va muntazam qo’shinlar bilan bir qatorda dushmanga qarshi kurashgan. Xalq lashkarlari ko’ngilli vatanparvarlardan tashkil topganligi bilan partizanlarga o’xshab ketsada, ular bir-biridan farq qiladi: ya’ni partizanlar dushman bosib olgan hududda harakat qiladi, Xalq lashkarlari esa, dushman bosib olmagan hududda tuziladi.